Nashik Tourism Security : पर्यटन वाढले, सुरक्षा मात्र वाऱ्यावर..! पर्यटनासाठी बाहेर पडताना हे नक्की लक्षात ठेवा

नेपाळमधील मत्स्यार्गंडी नदीत बस कोसळून जळगाव जिल्ह्यातील २७ भाविकांचा अपघातात मृत्यू झाल्याची घटना शुक्रवारी (ता. २३) घडली. यानिमित्त प्रवाशांच्या सुरक्षेचा प्रश्‍न निर्माण झाला आहे. पर्यटन करताना काही नियमांचे व आचारसंहितेचे पालन करण्याची आवश्‍यकता घटनेनंतर निर्माण झाली आहे.

पर्यटन क्षेत्रात सातत्याने वाढ होत आहे व होत राहणार परंतु नियमांचे पालन पर्यटक व पर्यटन आयोजित करणाऱ्या टुर्स व ट्रॅव्हल्स कंपन्यांकडून होणे गरजेचे असल्याचा धडा यानिमित्त मिळाला आहे. हा धडा गिरविला तरच पर्यटनाची लहर कायम राहील. अन्यथा भीतीमुळे पर्यटक बाहेर पडणार नाही. घटनेच्या निमित्ताने नाशिकच्या पर्यटनक्षेत्राचा घेतलेला आढावा व पर्यटनाला जाताना पर्यटकांसाठी माहिती. (Tourism increased take precautions for security)