Nashik Corona Update: जिल्ह्यात आणखी 3 कोरोना रुग्ण

नाशिक: जिल्ह्यात आणखी तीन कोरोना रुग्ण निष्पन्न झाले आहेत. आत्तापर्यंत जिल्ह्यात १६ कोरोनाबाधित रुग्ण आहेत. परंतु यात कोणालाही कोरोनाच्या जेएन-१ या नवीन विषाणूची लागण झालेली नाही.

कोरोनाबाधित रुग्णांपैकी तीन रुग्णांवर खासगी रुग्णालयात उपचार सुरू आहेत. तर, १३ रुग्ण हे होम आयसोलेशनमध्ये आहेत. (Nashik Update 3 more corona patients in district)

दरम्यान, जिल्हा शल्यचिकित्सक डॉ. चारुदत्त शिंदे यांच्या मार्गदर्शनाखाली जिल्हाभरातील उपजिल्हा, ग्रामीण व आरोग्य केंद्रावर रॅपिड व आरटीपीसीआर टेस्ट केल्या जात आहेत.

त्यातही बाधित रुग्णांच्या संपर्कात आलेल्यांची प्राधान्याने आरटीपीसीआर टेस्ट केली जात आहे. त्यामुळे संसर्ग पसरण्याची शक्यता कमी होणार आहे.