Nashik News : गंगापूर पंपिंग स्टेशनला वीजपुरवठा करणारी केबल ब्रेक डाऊन झाल्याने बुधवारी (ता. १९) दुपारी तीनपासून वीज पुरवठा खंडित झाला. परिणामी दोन तास पाणी उपसा बंद असल्याने त्याचा परिणाम पंचवटी व गंगापूर रोड भागातील पाणीपुरवठ्यावर झाला. वीज पुरवठ्याचे दोन तास व पुढे पाणी उपसा करण्यासाठी दोन तास असे चार तास पाणीपुरवठा खंडित झाला. (Water supply stopped in Gangapur Road and Panchavati area)
गुरुवार (ता.२०) पासून सुरळीतपणे पाणीपुरवठा होईल असा दावा पाणीपुरवठा विभागाच्यावतीने करण्यात आला. १८ जूनला सातपूर विभागातील ध्रुवनगर येथे ५०० मिलिमीटर व्यासाची सिमेंट पाइपलाइन गळती झाल्याने बळवंत नगर, गणेशनगर, रामराज्य, जलकुंभ भरले नाही. त्यामुळे अर्ध्या शहराचा पाणीपुरवठा बंद होता.
त्याचप्रमाणे दुसऱ्या दिवशी देखील प्रभाग क्रमांक सात, आठ, नऊ व बारामध्ये कमी दाबाने पाणीपुरवठा झाला. सिमेंट पाइपलाइन दुरुस्तीचे काम २३ तासानंतर पूर्ण झाल्यानंतर पाणीपुरवठा सुरळीत झाला. (latest marathi news)
मात्र बुधवारी दुपारी तीनला पंपिंग स्टेशनला वीज पुरवठा करणारी केबल ब्रेक झाल्याने तब्बल दोन तास वीज पुरवठा खंडित झाला. पश्चिम विभागातील गंगापूर रोड, शरणपुर रोड, आनंदवली, सावरकर नगर या भागातील पाणीपुरवठा दुपारनंतर होऊ शकला नाही.
तर पंचवटी जलशुद्धीकरण केंद्राला पाणीपुरवठा न झाल्याने या विभागात पाणीपुरवठा झाला नसल्याचे सांगण्यात आले. दोन तासानंतर केबल दुरुस्त होऊन वीजपुरवठा सुरळीत झाला. त्यानंतर पाणी उपसा सुरू झाले व पुढे जलशुद्धीकरण केंद्रापर्यंत पोचल्याचे यांत्रिकी विभागाच्यावतीने सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
