डीजीपी नगर (नाशिक) : 'तुझ्या माझ्या संसाराला आणि काय हवं' (TMSAKH) या मालिकेच्या विवाह विशेष भागाच्या 2 तासाच्या भागाच्या अनुषंगाने मेहंदी- हळद या समारंभाचे महिलांच्या सहभागाचे चित्रीकरण शिव कॉलनी येथे करण्यात आले. यावेळी साई महिला मंडळाच्या अध्यक्षा माई बुचके, नगरसेविका सुप्रियाताई खोडे, आदीसह असंख्य महिला विवाह सोहळ्याच्या तयारीने साडी फेटे परिधान करून आल्या होत्या. यावेळी मेहंदी नृत्य स्पर्धा घेण्यात आल्या व विजेत्या ना साड्या बक्षीस म्हणून देण्यात आल्या. यावेळी महिलांनी स्पर्धा व नृत्यात उस्फूर्त सहभाग नोंदवला.
विविध उखाणे, मेहंदी आणि वेशभूषा आणि मराठी गाण्यांच्या संगतीने यावेळी विशेष रंगत आणली. महिला मंडळानेही मोठ्या उत्साहाने सहभागी होत मालिकेतील खोट्या का असेना पण आपण रोजच टिव्ही वर बघत असलेल्या सिद्धार्थ आणि आदितीच्या होणाऱ्या विवाह सोहळ्याला यावेळी सर्व तयारीनिशी हजेरी लावली. याप्रसंगी उपस्थित महिलांनी कार्यक्रमाला शुभेच्छा दिल्या. यावेळी आयोजित नृत्यात नगरसेविका सुप्रिया खोडे, साई महिला मंडळाच्या अध्यक्षा माई बुचके यांनी ही ठेका धरत आपला सहभाग नोंदवला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
