Nashik ZP Sport Competition : लोकसभा निवडणुकांची आचार संहिता लागण्याची शक्यता लक्षात घेऊन जिल्हा परिषदेत निधी खर्चाची लगीनघाई सुरू असताना अधिकारी व कर्मचारी यांच्या क्रीडा व सांस्कृतिक स्पर्धा तसेच जिल्हा परिषद फेस्टिव्हल भरविण्यावर प्रशासन ठाम आहे. या स्पर्धांसाठी जिल्हा परिषदेकडे मैदान नसल्याने स्पर्धा ह्या महाराष्ट्र पोलिस अकादमीच्या मैदानावर घेण्याची निश्चित केले आहे. ()
यातही क्रिकेट रवींद्र विद्यालयाच्या मैदानावर होणार आहेत. अधिकारी, कर्मचारी यांच्यात सांघिक भावना वाढावी, एकोपा राहावा या उद्देशाने जिल्हा परिषदेकडून दरवर्षी क्रीडा स्पर्धा आणि सांस्कृतिक कार्यक्रम होतात. कोरोना संकट तसेच यापूर्वी विविध कारणांनी या स्पर्धा भरविल्या गेल्या नव्हत्या. मात्र, गतवर्षी मुख्य कार्यकारी अधिकारी यांनी या स्पर्धा भरविण्याचे निर्देश दिले होते.
यंदाही जिल्हा स्तरावरील जिल्हा परिषद व पंचायत समितीचे अधिकारी व कर्मचारी यांच्या क्रीडा व सांस्कृतिक स्पर्धा तसेच जि. प. फेस्टिव्हल २३ ते २५ फेब्रुवारी दरम्यान आयोजित केले आहे. छत्रपती शिवाजी स्टेडिअमवर काम सुरू असल्याने स्व. मीनाताई ठाकरे विभागीय संकुल येथील मैदानाची पाहणी झाली होती.
मात्र, त्यावर अडचणी येत असल्याने प्रशासनाने महाराष्ट्र पोलिस अकादमीच्या मैदानाची मागणी स्पर्धेसाठी केली होती. मैदान देण्यास अकादमी राजी झाल्याने या मैदानावरच स्पर्धा होणार हे निश्चित झाले आहे. या मैदानावर क्रिकेट स्पर्धा खेळण्यास मनाई केल्याने व्दारका परिसरातील रवींद्र विद्यालयाच्या मैदानावर या स्पर्धा होणार आहेत. स्पर्धेसाठी प्रशासनाकडून तयारी सुरू आहे. ( latest marathi news )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.