Nashik Protest News : प्रेस महामंडळातर्फे गुजरातमध्ये उभारण्यात येणार असलेल्या प्रस्तावित सोन्याच्या नाण्याच्या टाकसाळीविरोधात सध्या अस्तित्वात असलेल्या केंद्र शासनाच्या विविध टाकसाळींतील कामगार संघटनांनी आंदोलनाचा इशारा दिला आहे. (Nationwide agitation against proposed new gold coin nashik news)
नाशिक रोड येथील प्रतिभूती मुद्रणालय मजदूर संघाशिवाय इतर सगळ्या युनिटमधील संघटना या मुद्यावर एकवटल्या आहेत. केंद्रातर्फे गुजरातमध्ये सोन्याचे गाळप करून नवीन नाणे तयार करण्याचा कारखाना काढण्याचे नियोजन आहे.
त्यासाठी निविदा काढण्याची तयारी सुरू आहे, त्याला विरोध करीत टाकसाळीतील कामगार संघटनांनी आंदोलनाचा इशारा दिला आहे. .
त्या टाकसाळींना काम मिळत नाही, त्यात नाणे पाडण्याच्या यंत्रणा अस्तित्वात असताना त्याचे विस्तारीकरण करण्याऐवजी नवीन टाकसाळ काढण्याला देशभरातून आक्षेप आहे.
त्याविरोधात हैदराबाद सिक्युरिटी प्रेस एम्प्लॉइज युनियन, टाकसाळ मजदूर सभा (मुंबई), मिंट श्रमिक संघ (नोएडा), बँक नोट प्रेस मुद्रणालय कर्मचारी काँग्रेस इंटक (देवास), एम. पी. एम कर्मचारी युनियन (मध्य प्रदेश), टाकसाळ कर्मिका संघ (हैद्रराबाद) कोलकता मिंट एम्प्लॉइज युनियन (कोलकता) आदी संघटनांनी प्रेस महामंडळाला निवेदन देत आंदोलनाचा इशारा दिला. दरम्यान, देशातील वित्त मंत्रालयातील सर्व कामगार संघटना या मुद्यावर एकत्र आल्या असताना नाशिक रोड येथील प्रतिभूती मुद्रणालय मजदूर संघ मात्र तटस्थ आहे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
