नाशिक : आर्थिक वर्ष संपण्यास तीन महिन्यांचा कालावधी शिल्लक राहिल्याने या कालावधीमध्ये अपेक्षित महसूल वसुलीचे उद्दिष्ट दृष्टिपथात येत नसल्याने अखेरीस विविध विभागाने कारवाईचा बडगा भरला आहे. शहरात पाणीपट्टीची थकबाकीदार असलेल्या ७६ नळ जोडण्या तोडण्यात आल्या. (NMC broke 76 water supply connections in 6 days Nashik News)
यंदाचा अंदाजपत्रकामध्ये पाणीपट्टीच्या माध्यमातून ७५ कोटी रुपयांची उद्दिष्ट निश्चित करण्यात आलेले आहे. जानेवारी महिन्याच्या पंधरा तारखेपर्यंत सुधारित अंदाजपत्रक सादर केले जाणार आहे. या अंदाजपत्रकाच्या अनुषंगाने महसूल वसुलीचे आकडेवारी मागविण्यात आली. त्यात ७५ कोटी रुपयांच्या उद्दिष्ट टाकायची जेमतेम ३५ कोटी रुपये वसूल झाले आहे.
ही बाब समोर आल्यामुळे पाणीपट्टीच्या वसुलीसाठी महापालिकेने पहिल्या टप्प्यात ५८ लाख रुपयांच्या वसुलीसाठी २३२ नळजोडणी धारकांना नोटिसा बजावल्या. एक ते सहा जानेवारी या कालावधीमध्ये १५६ थकबाकीदारांनी तीस लाख रुपयांची रक्कम जमा केली.
७६ थकबाकीदारांनी थकबाकी अदा न केल्याने नळ जोडण्या तोडण्यात आल्या. पाणीपट्टीप्रमाणेच मालमत्ता कराची १८० कोटी रुपयांची थकबाकी झाली आहे. त्याअनुषंगाने ७६ मिळकतधारकांना नोटिसा बजावण्यात आल्या आहेत. त्याचबरोबर सहा विभागात एकूण ४७ मालमत्ता धारकांना वॉरंट काढले आहे.
त्या माध्यमातून बारा लाख रुपये वसूल झाले. वॉरंट बजावल्यानंतर २१ दिवसांच्या आत मिळकत धारकांनी थकबाकीचा भरणा करणे बंधनकारक आहे. त्यानंतर थकबाकी अदा न केल्यास चालू बाजारभावाप्रमाणे मिळकतीचे मूल्यांकन करून लिलाव प्रक्रिया राबविली जाईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
