NMC News : दोन वर्षांपूर्वी महापालिकेत तांत्रिक संवर्गात जम्पिंग प्रमोशनचा बार उडविल्यानंतर आता पुन्हा उच्च न्यायालयाचा निकाल लागल्यानंतर त्यात कार्यकारी अभियंता पदावर तीन उपअभियंत्यांना बसविण्याची तयारी झाली आहे.
याविरोधात अभियंत्यांमध्ये मोठ्या प्रमाणात नाराजीची लाट निर्माण झाली असून, प्रमोशनच्या विरोधात न्यायालयात दाद मागण्याची तयारी करण्यात आली आहे. (NMC Preparing to set bar for jumping promotions nashik)
दोन वर्षांपूर्वी महापालिका प्रशासनात पदोन्नती कमिटीची बैठक होऊन त्यामध्ये जम्पिंग प्रमोशनचा बार उडविण्यात आला. तांत्रिक संवर्गात मोठ्या प्रमाणात जम्पिंग प्रमोशन देण्यात आल्याने त्यातून आर्थिक उलाढाल झाली.
तत्कालीन प्रशासन उपायुक्त मनोज घोडे- पाटील यांनी जम्पिंग प्रमोशनचा बार उडवून मोठ्या प्रमाणात कमाई केल्याचे चर्चा सुरू आहे. तोच कित्ता आता पुन्हा गिरविण्याची तयारी सुरू झाली आहे.
उपअभियंता पदावर कार्यरत असलेले रवी पाटील यांची पदोन्नती डावलून कार्यकारी अभियंता पदावर सचिन जाधव यांना बसविण्यात आले. याविरोधात पाटील यांनी उच्च न्यायालयात धाव घेतली. न्यायालयाने चार आठवड्यांची स्थगिती दिली आहे.
स्थगिती उठल्यानंतर पदोन्नती कमिटीची बैठक होऊन यामध्ये यापूर्वी शाखा अभियंता पदावरून उपअभियंता पदावर जम्पिंग प्रमोशन घेतलेल्या महापालिकेच्या तीन उपअभियंत्यांना कार्यकारी अभियंता पदावर बसविण्याची तयारी सुरू झाली आहे.
नाशिक रोड बांधकाम विभागाचे उपअभियंता नीलेश साळी, राजेश पालवे तसेच नितीन राजपूत या तिघांना कार्यकारी अभियंता पदावर बसविण्याची तयारी सुरू झाली आहे.
याविरोधात अभियंत्यांनी एकत्र येत न्यायालयात जाण्याची तयारी सुरू केल्याचे वृत्त आहे. अभियंता संवर्गात सध्या सुरू असलेल्या बदलांच्या राजकारणावरून महापालिका मुख्यालयात प्रशासकीय कामकाजाविरुद्ध संशयाचे वातावरण निर्माण झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
