नाशिक : शहरात अनधिकृत होर्डिंग्जवर (hoardings) कठोर कारवाई करण्याची भूमिका महापालिका (NMC) प्रशासनाने घेतली आहे. त्‍याअनुषंगाने रविवारी (ता. २२) कॅनडा कॉर्नर परिसरातील महापालिकेच्‍या अतिक्रमण (Encroachment) विभागामार्फत रहदारीस अडथळा निर्माण करणारे जाहिरात फलक काढण्यात आले आहे. अशीच आक्रमक भूमिका यापुढे कायम राहणार असल्‍याचे स्‍पष्ट करण्यात आले आहे. (NMC take action on unauthorized hoardings Nashik News)
प्रशासक तथा महापालिका आयुक्‍त रमेश पवार (NMC Commissioner) यांनी काही दिवसांपूर्वीच विभागीय अधिकाऱ्यांची बैठक घेतली होती. अधिकारांमध्ये वाढ केल्‍यानंतर या विभागीय अधिकाऱ्यांशी संवाद साधताना अनधिकृत होर्डिंग्जवर कारवाईबाबत स्‍पष्ट सूचना केल्‍या होत्‍या. त्‍यानुसार महापालिकेच्‍या अतिक्रमण विभागामार्फत सातत्‍याने विविध भागांमध्ये कारवाईचा बडगा उगारला जातो आहे. विविध बाजारपेठांतील वर्दळीच्‍या ठिकाणांवर रहदारीला अडथळा ठरतील असे जाहिरात फलक जप्त केले जात असून, संबंधित व्‍यावसायिकांवर कारवाईदेखील केली जाते आहे. अशात रविवारी महापालिका अतिक्रमण विभागामार्फत कॅनडा कॉर्नर येथील रहदारीस अडथळा करणारे जाहिरात फलक काढण्यात आले. आगामी काळातही अशाच स्वरूपात कारवाई सुरु राहणार असल्‍याचे सांगण्यात आले आहे.
राजकीय फलकबाजीवरही हवा लगाम
गेल्‍या काही दिवसांपासून शहरात पुन्‍हा राजकीय फलकबाजी सुरू झालेली आहे. अशात अनधिकृत होर्डिंग्जचा मुद्दा ऐरणीवर येत आहे. अन्‍य विविध परिसरात केल्‍या जात असलेल्‍या कारवाईप्रमाणेच राजकीय पक्षांशी निगडित फलकबाजीबाबतही कठोर भूमिका घेत या प्रकाराला आवर घालावा, अशी मागणी नागरिकांकडून केली जाते आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.