Nashik News : महापालिकेकडून चालविल्या जाणाऱ्या सिटीलिंक बसमध्ये दिव्यांगांना मोफत प्रवास करण्यासाठी आरएफआयडी कार्ड बंधनकारक असून कार्ड नसल्यास मोफत बस प्रवास करता येणार नसल्याचे सिटीलिंक प्रशासनाने स्पष्ट केले आहे. (No free travel for disabled person without RFID card in citylink bus nashik news)
नाशिक महानगर परिवहन महामंडळ लिमिटेडच्या सिटीलिंक-कनेक्टिंग नाशिक बससेवेकरिता नियमित प्रवास करणाऱ्‍या प्रवाशांसाठी सवलतीच्या दरात विविध पास आहेत.
दिव्यांगांना प्रवासाकरिता मोफत कार्ड दिले जाते. सिटीलिंककडून पासधारक प्रवाशांकरिता साध्या पासऐवजी अत्याधुनिक आरएफआयडी कार्डचे वितरण करण्यात येत आहे. या कार्डचे वितरण यापूर्वीच सुरू करण्यात आले आहे.
नवीन वर्षापासून म्हणजेच १ जानेवारीपासून सिटीलिंक बसमधून प्रवास करतेवेळी आरएफआयडी कार्ड जवळ बाळगणे क्रमप्राप्त आहे. अन्यथा बसमधून दिव्यांग बांधवांना मोफत प्रवासाचा लाभ घेता येणार नाही. दिव्यांगांनी कार्ड काढून घ्यावे.
मोफत प्रवासाचा लाभ घ्यावा. सिटीलिंक भवन, वीर सावरकर जलतरण तलाव समोर, त्र्यंबक रोड येथील पास केंद्रावर सदर कार्डचे वितरण करण्यात येत असल्याचे प्रशासनाकडून कळविले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
