नाशिक : दक्षिण आफ्रिकेतून परतलेल्या दोघांमुळे 'ओमिक्रॉन'चा धोका?

नाशिक : दक्षिण आफ्रिकेत आढळलेल्या कोरोनाच्या नवीन (coronavirus) ओमिक्रॉन व्हेरियंटने (Omicron Corona variant) सध्या जगभरात धास्तीचे वातावरण आहे. दरम्यान या व्हेरिएंट चा धोका नाशिकपर्यंत पोहचला असल्याची शक्यता समोर आली आहे.

दक्षिण आफ्रिकेतील आयर्नमॅन स्पर्धेत भाग घेऊन दोन खेळाडू नाशिकमध्ये चार दिवसांपूर्वी परतले असल्याची माहिती समोर येत आहे. दरम्यान महापालिकेने या दोघांचे स्वॅब तपासणीसाठी घेतले आहेत आणि या दोन्ही खेळाडूंचे संस्थात्मक विलगीकरणक करण्यात आले आहे. जगभरात दहशत निर्माण करणारा हा कोरोनाचा ओमिक्रॉन व्हेरिएंट नाशिकपर्यंत पोहचल्यास नाशिकरांसाी मात्र धोका वाढण्याची शक्यता आहे.

दक्षिण आफ्रिकेत झालेली ही आर्यनमॅन स्पर्धा जिकून भारतात परतल्यानंतर या दोन खेळाडूंची नाशिक शहरात भव्य मिरवणूक काढण्यात आली होती, आता या मिरवणूकीचा व्हिडीओ समोर आल्याने चिंता वाढली आहे. महानगरपालिकेकडून या मिरवणुकीत सहभागी झालेले मित्र नातेवाईक आणि ढोल वादकांचा शोध घेण्यात येत असून 100 हुन अधिक लोक या मिरवणूकीत सहभागी झाले होते. सध्या या दोन्ही खेळाडूंचे स्वॅब तपासणीसाठी पाठवण्यात आले आहेत आणि दोघांना क्वारंटाईन करण्यात आले आहे.