Nashik Crime News : जुनी तांबट लेनमध्ये एकास नायलॉन मांजासह अटक

Nashik Crime News : भद्रकाली पोलिसांनी नायलॉन मांजासह एकास अटक केली. त्याच्याकडून १५ हजार ७०० रुपये किमतीचे नायलॉन मांजाचे २७ गट्टू जप्त केले. पद्माकर रतिकांत बकरे (वय ५४, रा. जुनी तांबटलेन) असे संशयिताचे नाव आहे.

जुनी तांबट लेन येथे एकजण नायलॉन मांजा विक्री करत आहे, अशी माहिती गुन्हे शोध पथकाचे पोलिस हवालदार संदीप शेळके, पोलिस नाईक लक्ष्मण ठेपणे यांना मिळाली. ()

त्यांनी एका लहान मुलास बनावट ग्राहक म्हणून पाठविले. संशयित बकरे नायलॉन मांजा विक्री करत असल्याची खात्री झाली.

वरिष्ठ पोलिस निरीक्षक गजेंद्र पाटील, पोलीलिस निरीक्षक गुन्हे तृप्ती सोनवणे यांच्या मार्गदर्शनात गुन्हे शोध पथकाचे सहाय्यक पोलिस निरीक्षक सत्यवान पवार, पोलिस हवालदार संदीप शेळके, नरेंद्र जाधव, लक्ष्मण ठेपणे, महेशकुमार बोरसे, सागर निकुंभ, योगेश माळी, धनंजय हासे, नारायण गवळी यांनी संबंधित ठिकाणी छापा मारला.

पोलिसांनी घराच्या वरच्या मजल्यावर लपून ठेवलेले नायलॉन मांजाचे गट्टू हस्तगत करून संशयितास ताब्यात घेतले. पोलिसांनी त्याच्याविरुद्ध भद्रकाली पोलीलिस ठाण्यात गुन्हा दाखल केला.