लासलगाव (जि. नाशिक) : गेल्या काही दिवसांपासून स्थिर असलेले कांदा भावात (Onion Price) आता मोठी घसरण झाल्याने शेतकरी वर्ग आर्थिक कोंडीत सापडला आहे. दि २० ऑगस्ट रोजी उन्हाळ कांदा सरासरी १७४० रुपये प्रति क्विंटलने विक्री झाला होता, मात्र आठच दिवसात कांदा दरात २६० प्रति क्विंटलची घसरण लासलगाव कृषी उत्पन्न बाजार समितीत पहायला मिळाली.
यंदा आंध्रप्रदेश, कर्नाटक, गुजरात या राज्यातुन कांद्याचे चांगले उत्पादन होत असल्याने नाशिक जिल्ह्यातील कांदा मागणी कमी झाली आहे. तर दुसरीकडे देशाची कांदा निर्यात सुरू जरी असली तरी आपल्या तुलनेने पाकिस्तान \चा कांदा स्वस्त उपलब्ध होत असल्याने याचा फटका भारतीय कांद्याला बसलेला आहे. यामुळे देशात मुबलक कांदा असल्याने भावात मोठी घसरण सुरू झाली आहे. कांदा, टोमॅटो, भाजीपाला अगदी कवडीमोल भावात विकण्याची वेळ शेतकरी वर्गावर आली आहे.
कांदा आगार असलेल्या जिल्ह्यातील शेतकरी वर्गाने मागील वर्षी प्रमाणे चांगला भाव मिळेल या आशेवर कांदा चाळीत साठवून ठेवलेला आहे. बदलत्या वातावरणामुळे कांदा खराब होण्यास सुरुवात झाली आहे. त्यामुळे सध्या मिळणारा दर आणि झालेला खर्च निघत नसल्याने शेतकरी वर्ग मेटाकुटीस आलेला आहे. केंद्र सरकारने कांदा दरात होत असलेली घसरण थांबविण्यासाठी निर्यात प्रोत्साहन योजना राबविणे गरजेचे असल्याचे व्यापारी वर्गाकडून बोलले जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
