चिंचखेड (जि. नाशिक) : दिंडोरी तालुका (Dindori) हा धरणाचा तालुका म्हणून ओळखला जातो. तालुक्यातील पालखेड धरण (Palakhed Dam) शाखा अभियंता (Engineer) सुदर्शन सानप यांच्या संकल्पनेतून आकर्षक रोषणाईने उजळून निघाले असून, नागरिकांची बघण्यासाठी गर्दी होत असून, धरण बघून नागरिक समाधान व्यक्त करीत आहेत.
कादवा नदीवर असलेल्या पालखेड धरणाची उंची ३४.७५ मीटर (११४.० फूट) आहे, तर लांबी ४.११० मीटर (१३, ४८० फूट) आहे. क्षमता ६५३ क्यूसेक आहे. सध्या धरणात ५५ टक्के पाणीसाठा आहे.
जिल्ह्यात पालखेड धरणास महत्त्वाचे स्थान असून, दिंडोरी, निफाड, येवला, चांदवड, नांदगाव आदी तालुक्यांतील गावांना पिण्यासाठी व शेतीसाठी पाणीपुरवठा केला जातो. धरणावर येवला तालुका, मनमाड शहर व ४४ गावांसह ओझर, चिंचखेड, जोपूळ, लोखंडेवाडी, साकोरे, मोहाडी, जानोरी, जऊळ्के दिंडोरी, पाचगाव पाणीपुरवठा योजना, पिंपळगाव बसवंत, पालखेड बंधारा, कोराटे, खडक सुकेणे, अक्राळे, राजारामनगर, कादवा कारखाना, एमआयडीसी पालखेड, एमआयडीसी अक्राळे या पाणीयोजना अवलंबून आहेत. पालखेड धरणावर आकर्षक रोषणाई करण्यात आली आहे. जिल्हाधिकाऱ्यांनी आरक्षणाचे पिण्याचे पाणी कादवा नदीपात्रात सोडले आहे. रात्री रोषणाईचे मनमोहक दृश्‍य बघण्यासाठी नागरिकांची गर्दी होत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
