नाशिक : उड्डाणपुलावर नादुरुस्त कंटेनरवर पाठीमागून भरधाव येणारी अल्टो कार आदळल्याने कारमधील चौघांपैकी एकाचा जागीच मृत्यु झाला. ही घटना शनिवारी (दि.13) रात्री कन्नमवार पुलाजवळ घडली. कारमधून चौघे सख्खे भाऊ पारोळ्याहून नाशिकला येत होते. तिघे जखमी झाले असून एक गंभीर जखमी झाल्याचे पोलिसांनी सांगितले.
धुळे बाजूकडून नाशिककडे येताना उड्डाणपुलावर एक कंटेनर नादुरुस्त झाल्याने उभा होता. रात्रीच्या अंधारात कंटेनर लक्षात न आल्याने अल्टो (एम.एच 15 एफएफ 9458) कार पाठीमागून जाऊन कंटेनरवर आदळली. उभ्या कंटेनर वर मागून जाऊन अल्टो मोटार आदळली. कंटेनर चालक-क्लीनर कडून कंटेनरच्या पाठीमागे कुठल्याही प्रकारचे रेडियम बोर्ड लावण्यात आलेला न्हवता तसेच कंटेनरचे दिवेही बंद होते. यामुळे अल्टो कारचालकाला कंटेनरचा अंदाज आला नाही आणि कार कंटेनरवर जाऊन आदळली. कारमधून वसंत शंकर पाटील ( 55, रा. पाथर्डीफाटा), देवीदास पाटील, रवींद्र पाटील, राजीव पाटील हे गंभीर जखमी झाले. यापैकी मयत व्यक्तीचे नाव उशिरापर्यंत समजू शकलेले नाही. भद्रकाली पोलीस ठाण्यात याप्रकरणी गुन्हा दाखल करण्याचे काम रात्री उशिरापर्यंत सुरु होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
