Chhagan Bhujbal : मराठा व कुणबी, ओबीसी वादामुळे सध्या राज्याचे अन्न नागरी पुरवठा व ग्राहक संरक्षण मंत्री छगन भुजबळ व मराठा नेते मनोज जरांगे-पाटील यांच्यात मोठ्या प्रमाणात वाकयुद्ध सुरू आहे. (Phule Dr Ambedkar books sent to Bhujbal by maratha Activists nashik news)
महात्मा ज्योतिबा फुले व डॉ. बाबासाहेब आंबेडकर यांचे विचार आत्मसात करण्यासाठी त्यांच्यावर लिहिलेली पुस्तके मराठा समाजाच्या पदाधिकाऱ्यांनी मंत्री भुजबळ यांना पाठविली असून, या वीरपुरुषांच्या विचारांचे अनुकरण करण्याची मागणी केली आहे.
मराठा समाजाचे पदाधिकारी डॉ. सुजित गुंजाळ, प्रवीण कदम, प्रमोद पाटील व कार्यकर्त्यांनी एकप्रकारे भुजबळांना डिवचले आहे.
महात्मा जोतिबा फुले, राजर्षी शाहू आणि डॉ. आंबेडकर यांच्या विचारांचा मंत्री छगन भुजबळ यांना विसर पडल्याने खालच्या पातळीवर जाऊन मराठा समाजावर टीका करीत आहेत.
त्यामुळे आम्ही त्यांना पुस्तके टपालाने पाठविली आहेत. या पुस्तकांचे मंत्री भुजबळ यांनी वाचन करत महात्मा फुले, राजर्षी शाहू आणि डॉ. आंबेडकर यांच्या विचारांचे अनुकरण करावे, अशी मागणी केली आहे. श्री. भुजबळ यांनी पुस्तके वाचली किंवा नाही वाचली, हे त्यांच्या भाषणातून कळेल, असे मराठा आंदोलकांनी स्पष्ट केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
