सिन्नर (जि. नाशिक) : येथील नाशिक-पुणे महामार्गावरील बसस्थानकासमोर असलेल्या अॅक्सिस बँकेचे एटीएम (ATM) फोडण्याचा प्रयत्न करणाऱ्या चोरट्याला पोलिसांनी रंगेहाथ ताब्यात घेतले आहे. सिन्नर पोलिसांनी गुरुवारी (ता.१०) पहाटे पाचच्या सुमारास ही कारवाई करण्यात आली.
अत्याधुनिक तंत्रामुळे चोरटा जेरबंद
चेतन बाळू आसळक (वय २१) राहणार पंचाळे, ता.सिन्नर असे या चोरट्याचे नाव आहे. बँकेच्या एटीएमला अलर्ट सिस्टिम बसविण्यात आलेली आहे. एटीएम फोडण्याचा प्रयत्न होत असताना अत्याधुनिक यंत्रणेच्या आधारे अॅक्सिस बँकेच्या मुंबई येथील कार्यालयात याबाबत सावधानतेचा संदेश गेला. त्यानंतर मुंबईहुन सिन्नर पोलिसांना चोरी होत असल्याची खबर देण्यात आली. पोलिसांनी तातडीने हालचाली करत पोलिस निरीक्षक संतोष मुटकुळे यांच्या मार्गदर्शनाखाली ठाणे अंमलदार श्रीकांत गारूंगे, प्रमोद भोये यांच्या पथकाने एटीएम केंद्रात जाऊन चोरट्यास पकडले. त्याने एटीएम मशिन फोडण्याचा प्रयत्न केल्याचे लक्षात आले. संतोष झाडे यांनी पोलिसांत चोरीची फिर्याद दिली आहे. एटीएममध्ये नऊ लाख रुपये होते, अशी माहिती पोलिसांनी यावेळी दिली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
