Nashik Crime: पोलिसांनी 39 लाखाच्या मुद्देमालासह 15 संशयितांच्या आवळल्या मुसक्या

अंबड : एमआयडीसी चुंचाळे पोलिसांनी १५ संशयितांना ताब्यात घेऊन त्यांच्याकडून ३९ लाख २५ हजार रुपयांचा मुद्देमाल हस्तगत केला आहे. एक वर्षांपूर्वी सिमेन्स कंपनीत ४० लाख रुपयांचा मुद्देमाल चोरीला गेला होता.

पोलिस तपास करत असताना शिपाई श्री. सावंत व श्री. सूर्यवंशी यांना गोपनीय माहिती मिळाली. त्यानुसार पोलिसांनी एका संशयिताच्या मुसक्या आवळल्या. (Police nabbed 15 suspects along with Rs 39 lakh Nashik Crime)

चौकशीत त्याने साथीदारांसह कंपनीत चोरी केल्याची कबुली दिली. पोलिसांनी त्यांच्याकडून २२ लाख रुपये किमतीचे कॉपर, ५ लाख रुपये किमतीचा जेसीबी, ६ लाख रुपये किमतीची बोलेरो पिकअप, ६ लाख रुपये किमतीच्या दोन चारचाकी गाड्या, १५ हजार रुपये किमतीची बाईक, ४ हजार रुपये किमतीचे कटर मशिन, ६ हजार रुपये किमतीचा व्हील बॅरो असा एकूण ३९ लाख २५ हजाराचा मुद्देमाल हस्तगत केला.

याप्रकरणी पोलिसांनी संशयित संतोष शिंदे (४२, रा. दत्तनगर, अंबड), लक्ष्मीकांत उमाकांत होळकर (रा. लासलगाव, ता. निफाड), भारत शंकर मंजुळे (३४ रा. गुळवंच, ता. सिन्नर), संजय लक्ष्मण वानखेडे (३६, रा. सिंहस्थनगर, सिडको), शिवराम कैलास डहाळे (३७, रा. घरकुल योजना, अंबड) महेश्वर पद्मसिंग भंडारी (३५, रा. घरकुल योजना, चुंचाळे), जनार्दन बाळू गायखे (४३, रा. अंबड), विनोद कांतिलाल निकाळे (३२, रा. पंडितनगर सिडको), राजू गोविंद शेळके (४३, रा. अंबड), संजय अशोकराव वाणी (४०, रा. सिडको), जयेश कैलास पाटील (२३, रा. सातपूर), राहुल विश्वनाथ चंद्रकोर (२९, रा. उत्तमनगर, सिडको), महम्मद अल्ताफ महम्मद हुसेन चौधरी (३२, रा. अंबड), मुस्ताक शौकतअली शेख ऊर्फ भुऱ्या (३०, रा. पवननगर सिडको), हरीलाल रामलखन मौर्य (४३, रा. घरकुल योजना, चुंचाळे, अंबड) यांना ताब्यात घेतले आहे.

सदर कारवाई प्रभारी पोलिस निरीक्षक मनोहर कारंडे, उपनिरीक्षक संदीप पवार, उपनिरीक्षक अनिल पाडेकर, सूर्यवंशी, समाधान चव्हाण, सुरेश जाधव, अर्जुन कांदळकर, दिनेश नेहे, अनिल कुऱ्हाडे, जनार्दन ढाकणे, महेश सावंत, श्रीकांत सूर्यवंशी यांच्या पथकाने केली.