लासलगाव (जि. नाशिक) : येथील बाजार समितीच्या (Market Committee) मुख्य बाजार आवारावर सोमवारपासून (ता.१८) डाळींब लिलावास (Pomegranate Auction) सुरूवात होणार असल्याची माहिती बाजार समितीच्या सभापती सौ. सुवर्णा जगताप यांनी दिली.
लासलगावसह परिसरातील निफाड, चांदवड, येवला, सटाणा, देवळा, कळवण, मालेगाव, सिन्नर, कोपरगाव, राहुरी, राहाता व नेवासा तालुक्यातील गावांमध्ये शेतक-यांच्या सोयीसाठी हा निर्णय घेण्यात आला आहे. (Pomegranate Auction in Lasalgaon Market Committee from 18 july Nashik Latest Marathi News)
भगरीबाबा धान्य व भाजीपाला मुख्य बाजार आवारावर डाळींब लिलाव होतील. उत्पादकांनी आपला माल योग्य प्रतवारी करून २० किलोच्या क्रेटस्मध्ये विक्रीस आणल्यास त्यास जास्तीत जास्त बाजारभाव मिळणार आहे.
किडका, पिचका, लहान (अपरीपक्व), खर्डा असलेला डाळींब वेगळ्या क्रेटसमध्ये विक्रीस आणावा. लिलावानंतर लगेच इलेक्ट्रॉनिक काट्यावर चोख वजनमाप व रोख पेमेंट देण्यात येईल.
डाळींब खरेदीस इच्छुक असणा-या व्यापा-यांनी लायसेन्सबाबतच्या सर्व अटी पूर्ण केल्यास त्यांना तात्काळ परवाना देऊन पॅकिंग व साठवणुकीसाठी जागा उपलब्ध करून देण्यात येणार असल्याचे सौ. जगताप, उपसभापती सौ. प्रिती बोरगुडे, सचिव नरेंद्र वाढवणे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
