नाशिक : वैद्यकीय व अग्निशमन दलातील रिक्तपदे भरण्यासंदर्भात राज्य शासनाची अधिसूचना प्राप्त झाल्यानंतर महापालिका प्रशासनाकडून टीसीएस व आय बीपीपीएस संस्थेला प्रस्ताव सादर करण्यात आला आहे. (Proposal from NMC for Medical Fireman Vacancies Nashik Latest Marathi News)
राज्य शासनाने कोरोना पार्श्वभूमीवर आरोग्य व वैद्यकीय तसेच अग्निशमन दलातील पदे भरण्याचा निर्णय घेतला. त्यानुसार या दोन्ही विभागातील सेवाशर्ती नियमातील त्रुटी दूर करण्याच्या सूचना दिल्या होत्या. त्या अनुषंगाने अग्निशमन विभागातील 348, तर आरोग्य व वैद्यकीय विभागातील अशा एकूण 706 पदांसाठी मंजूर सेवाप्रवेश नियमावलीनुसार पदांची भरती करण्याच्या सूचना देण्यात आल्या आहेत.
टाटा कन्सल्टिंग सर्व्हिसेस (टीसीएस) व इन्स्टिट्यूट ऑफ बँकिंग पर्सनल सिलेक्शन (आयबीपीएस) या दोन संस्थापैकी एका संस्थेच्या माध्यमातून रिक्त पदांसाठी निवड केली जाणार आहे. दोन्ही खासगी संस्थांमार्फत भरती करण्यासाठी महापालिका प्रशासनाकडून बुधवारी (ता. ३०) प्रस्ताव सादर करण्यात आला. त्यानुसार प्रतिसाद मिळाल्यानंतर भरती प्रक्रिया राबवली जाणार आहे, अशी माहिती प्रशासन उपायुक्त मनोज घोडे- पाटील यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
