NMC News: राधाकृष्ण गमे रजेवर, लक्ष्मीकांत साताळकर रुजू

NMC News : महापालिकेचे प्रभारी आयुक्त तथा विभागीय आयुक्त राधाकृष्ण गमे आठ जूनपासून रजेवर जात असून त्यांच्या रजा कालावधीत पदभार कोणाकडे द्यावा यासंदर्भात नगरविकास विभागाकडून मार्गदर्शन मागविण्यात आले आहे. (Radhakrishna Game on leave Laxmikant Satalkar to join NMC Nashik news)

दरम्यान लक्ष्मीकांत साताळकर हे महापालिकेच्या प्रशासन उपायुक्त पदावर रुजू झाले आहेत तर आयुक्त पदावर शासनस्तरावरून अद्यापही नावाची निश्चिती होत नाही. आयुक्त पदाचा कार्यभार आदिवासी विकास आयुक्त नयना गुंडे यांच्याकडे येण्याची शक्यता आहे.

डॉ. चंद्रकांत पुलकुंडवार मसुरी येथे प्रशिक्षणाला गेल्याने त्यांचा पदभार विभागीय आयुक्त राधाकृष्ण गमे यांच्याकडे सोपविण्यात आला होता. त्यानंतर पुलकुंडवार यांची साखर आयुक्तपदी बदली झाल्यानंतर गमे यांच्याकडेच आयुक्तपदाचा पदभार आहे.

हेही वाचा : Credit Card फसवणूक....काय घ्याल काळजी?

दरम्यान आठ जूनपासून गमे देखिल रजेवर जात असल्याने त्यांच्या पदाचा कार्यभार गुंडे यांच्याकडे सोपविला जाणार आहे.

आयुक्तपदावर नंदुरबारच्या जिल्हाधिकारी मनीषा खत्री, नंदुरबार जिल्हा परिषदेचे सीईओ रघुनाथ गावडे, राज्याचे ईएसआय आयुक्त अशोक करंजकर, फिल्मसिटीचे संचालक डॉ. अविनाश ढाकणे, सोलापूरचे सीईओ दिलीप स्वामी यांच्या नावाची चर्चा सुरू आहे. मात्र अद्यापपर्यंत नावाची निश्चिती झालेली नाही. आयुक्त पदाचा सस्पेन्स आजही कायम राहिला.