नाशिक : प्रशासकीय राजवट, पदाधिकारी वाहनाचा इंधन खर्चातील (Fuel Expenditure) बचत, केबिन वीज बिलात (electricity bill) बचत यासोबत उत्पन्नातील वाढ यामुळे महापालिकेच्या (NMC) प्रशासकीय खर्च कमी होत आहे. मागील वर्षाच्या तुलनेत आतापर्यंत ६ टक्के कमी होत आहे. (Reduction in Municipal Administrative Expenditure Nashik news)
मागील वर्षी आस्थापना खर्च ३५ टक्क्यांपेक्षा जास्त असल्याने महापालिकेत नोकर भरती होऊ शकली नव्हती. मात्र, यंदा महापालिकेच्या उत्पन्नात समाधानकारक वाढ होत असताना प्रशासकीय खर्च कमी झाल्यामुळे २०२२-२३- आर्थिक वर्षात आस्थापना खर्च कमी येण्याची शक्यता आहे. महापालिकेत २०१९- २० आर्थिक वर्षात २९ टक्के आस्थापना खर्च होता, तर २०२०-२०२१ वर्षात ३८ टक्के होता. मागील वर्षी ३८ टक्के खर्चामुळे नोकरभरती प्रस्ताव रखडला होता. मात्र, आता १४ मार्चपासून महापालिकेत प्रशासकीय राजवट सुरू झाली आहे. यामुळे पदाधिकाऱ्यांचा वाहन, इंधनासह विविध प्रकारच्या सुविधा कमी झाल्या आहेत. पदाधिकारी कार्यालयातील विद्युत बिल त्याचप्रमाणे गाड्यांच्या इंधन आदींत बचत झाली आहे. वसुलीकडे विशेष लक्ष दिल्याने पाणी व घरपट्टी वसुली वाढली आहे. यामुळे ३१ मार्च आस्थापना खर्चाचा आकडा कमी राहण्याची शक्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
