Nashik Crime News : टवाळखोरांची थेट घरापर्यंत दस्तक; पालकांनी चोप देत केले पोलिसांच्या स्वादिन

Nashik Crime News : महाविद्यालयीन शिक्षणासाठी काकडगाव येथील महाविद्यालयात जाणाऱ्या विद्यार्थीनींना त्रास देणाऱ्या एका टवाळखोरास पालकांनी पकडत चोप देत पोलिसांच्या स्वाधीन केले तर दुसरा टवाळखोर पळून गेला.

पोलिस व महाविद्यालय प्रशासन सदर प्रकरणात काय भूमिका घेते यांकडे पालकांचे लक्ष लागून आहे. ()

ग्रामीण भागातील बहुतांश विद्यार्थी महाविद्यालयीन शिक्षण घेण्यासाठी काकडगाव गावानजीक असलेल्या महाविद्यालयात जातात. मात्र या महाविद्यालयीन परिसरात टवाळखोरांचा नेहमीच ग्रामीण भागातील विद्यार्थिनींना त्रास सहन करावा लागत आहे.

शनिवारी (ता.१०) रोजी नेहमीप्रमाणे महाविद्यालयांतून अंबासनच्या दिशेने येणाऱ्या विद्यार्थींनींचा काही टवाळखोरांनी पाठलाग करून थेट घरापर्यंत दस्तक देण्याची मजल मारली. गावातील विद्यार्थीनींनी सदर बाब पालकांना सांगितली असता पालकांनी सदर टवाळखोरांचा पाठलाग केला यातील एकाने पकडत बेदम चोप दिला.

या टवाळखोरांचा बंदोबस्त करण्यासाठी पोलिसांनी नामपूर बस स्थानक व काकडगाव महाविद्यालयाच्या थांबाजवळ गस्त वाढविण्याची मागणी पालकांनी केली.