नाशिक : शिक्षण विभाग विद्यार्थ्यांच्या गुणवत्ता वाढीच्या दृष्टीने कार्यरत आहे. विद्यार्थ्यांत पायाभूत साक्षरता आणि संख्याज्ञान विकसित करण्याचा उद्देश सफल करण्याच्या अनुषंगाने सिखे संस्थेच्या शैक्षणिक पद्ध्ती फारच उपयुक्त ठरत आहेत. (response of 300 students to sikhe institute india festival Teacher Innovator Program nashik news)
यामुळे केवळ अध्ययन स्तरातच वाढ होत नाही तर विद्यार्थ्यांची समज दृढ होते असे प्रतिपादन जिल्हा शिक्षण व प्रशिक्षण संस्था नाशिक, प्राचार्य अनिल गौतम यांनी केले. त्र्यंबकेश्वर तालुक्यातील टाके देवगाव केंद्रात आयोजित विद्यार्थी प्रदर्शनीत ते बोलत होते.
शिक्षण विभाग आणि जिल्हा शिक्षण व प्रशिक्षण संस्था नाशिक आणि सिखे संस्था, मुंबई यांच्या संयुक्त विद्यमाने सुरू असलेल्या (TIP) टीचर इनोव्हेटर कार्यक्रमांतर्गत शिकलेल्या भाषा आणि गणित विषयांच्या पद्ध्तीच्या आधारावर विविध प्रकारचे मोडेल तयार करून वर्ग 1 ते 5 च्या विद्यार्थ्यांनी सादर केले.
हा शैक्षणिक सोहळा जि. प. केंद्र प्राथमिक शाळा टाके देवगाव येथील शाळेत घेण्यात आला. या कार्यक्रमात केंद्रातील 11 शाळेतील 285 विद्यार्थी, 50 शिक्षक, 50 हून अधिक पालक सहभागी झाले होते.
हेही वाचा : शॉर्ट सेलर्स म्हणजे नक्की कोण?
TIP कार्यक्रमात भाषा आणि गणित विषयाच्या शिकविण्याच्या विविध नाविन्यपूर्ण पद्धतीचे प्रशिक्षण शिक्षकांना दोन टप्प्यात देण्यात आले. त्यानंतर शिक्षकांनी या सर्व पद्ध्ती विद्यार्थ्यांसोबत वर्गात घेतल्या ज्यामुळे विद्यार्थ्यांच्या अध्ययन स्तरात वाढ होण्यास मदत झाली. सोबतच सिखे संस्थेने विद्यार्थ्यांना दिलेल्या कार्यपुस्तिकेमुळे विद्यार्थ्यांना सराव करण्यास अधिक संधी मिळाली.
विद्यार्थ्यांनी आपापल्या शाळेत या सर्व पद्धतींवर आधारित मोडेल तयार करून कार्यक्रमात प्रदर्शित केले. विद्यार्थी अभिव्यक्त होत आहेत,शिकलेल्या गोष्टी आपल्या शब्दात मांडत आहेत याबाबत जिल्हा शिक्षण व प्रशिक्षण संस्था नाशिक प्राचार्य श्री.अनिल गौतम यांनी आनंद व्यक्त केला.
या कार्यक्रमात शाळा व्यवस्थापन समिती अध्यक्ष रमेश झोले, डाएट अधिव्याख्याता जगन्नाथ दरंदले, त्र्यंबकेश्र्वर बीआरसी विषय सहायक प्रमोद गाढे, केंद्रप्रमुख अशोक बोराडे, मुख्यध्यापक दशरथ शिंदे सिखे राज्य समन्वयक वर्षा परचुरे व सिखे नाशिक जिल्हा समन्वयक आकाश ढेपे, सीखे प्रशिक्षक शेखर साळुंखे व निवृत्ती सोळे, गावाचे सरपंच पर्वताताई झोले, पांडुरंग झोले, मधुकर झोले आदी उपस्थित होते. कार्यक्रमाचे प्रास्ताविक सिखे नाशिक जिल्हा समन्वयक आकाश ढेपे यांनी केले तर सूत्रसंचालन जि. प. प्राथमिक शाळा टाकेदेवगाव सहायक शिक्षक संजय चव्हाण यांनी केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
