नाशिक जिल्ह्यात निर्बंध होणार आणखी शिथील

नाशिक : राज्य शासनाने लॉकडाउन निर्बंध शिथील करण्यासाठी ठरविलेल्या निकषानुसार नाशिक जिल्ह्यात कोरोना संर्सगाचा दर (पॉझीटीव्हीटी रेट) आठवड्यापासून झपाट्याने घरसतो आहे. तब्बल अडीच टक्क्याने हा दर घसरल्याने नाशिकमधील लॉकडाउन निर्बंध शिथील होण्याची शक्यता वाढली आहे. (Restrictions-released-in-Nashik-district-marathi-news)

पॉझीटीव्हीटी रेट घटला

राज्यात १४ जिल्हे रेड झोन मध्ये असल्याने १ जूनपासून लॉकडाउन शिथील होउ शकले नाही. त्यात वाढ झाली. मात्र हे निर्बंध शिथील करण्यासाठी राज्य शासनाने विविध पाच वर्गवारी निश्चित केल्या आहे. त्यानुसार जिल्हा आणि महापालिकांचे स्वतंत्र वर्गीकरण करुन त्यांचे मूल्यमापन सुरु केले आहे. कोरोना बाधीत रुग्णांच्या आठवडाभरातील संर्सग दर (पॉझीटीव्हीटी रेट) आणि आॅक्सीजन बेडची उपलब्धता या निकषानुसार शहराचे वर्गीकरण केले जाणार आहे. शासनाने अधिसूचनेनुसार राज्यभर हे मूल्यांकन सुरु केले आहे. सप्ताहाचा विचार करता, गेल्या चार दिवसात नाशिकचा संसर्ग दर ९.२२ हून ८.७६ आणि ७. २५ पर्यत कमी झाला आहे. यात दोन दिवसात त्यात आणखी घट अपेक्षित आहे. याच गतीने नाशिक शहर आणि जिल्ह्यातील कोरोना संर्सगाचे प्रमाण घटत राहिल्यास नाशिक जिल्हा ५ टक्के संर्सग दराच्या आत येण्याची शक्यता आहे. मृत्यू दराचा अपवाद सोडला तर कोरोना बाधीतांच्या संर्सग दरात आणि आॅक्सीजन बेडच्या संख्येत सातत्याने घट सुरु आहे. त्यामुळेच नाशिकमधील लॉकडाउनचे निर्बंध शिथील होण्याची शक्यता वाढली आहे.

आठवडाभरात संर्सग दरात (पॉझीटीव्हीटी रेट) अडीच टक्के घट

शासनाने जिल्हा व महापालिकांसाठी पाच लेवल्स निश्चित केल्या आहे. साप्ताहिक पॉझिटिव्हिटी रेट व वापरात असलेले ऑक्सिजन बेडचे प्रमाण विचारात घेऊन कोणते शहर कोणत्या लेवलमध्ये बसते ते निश्चित करायचे आहे. त्यासाठी निश्चित केलेले नियम लागू होतील. स्थानिक परिस्थिती पाहून अंशतः फेरबदल करण्याचे अधिकार जिल्हा आपत्ती व्यवस्थापन प्राधिकरणाला आहेत. महापालिका व जिल्हा अशी पॉझिटिव्हिटी रेट व ऑक्सिजन बेड वापराचे माहिती संकलित सुरू केले आहे. - सूरज मांढरे (जिल्हाधिकारी नाशिक)