Nashik News : मालेगाव शहरात रिक्षा चालवून स्वतःच्या कुटुंबाची गुजरान करणारा रिक्षाचालक मफ्फूजर मन्सूरी याने आपल्या प्रामाणिकपणाचा प्रत्यय दिला आहे. (rickshaw driver returned belongings of woman nashik news)
वर्धमान हायस्कूलच्या शिक्षिका अनुसया वैष्णव अक्षयतृतीयेच्या सणाचा बाजार तसेच कपडे खरेदी करून घराकडे मन्सूरी यांच्या रिक्षातून परतत असताना मिठाई घेण्यासाठी त्यांनी रिक्षा थांबविली. अक्षयतृतीया व रमजान ईद या सणामुळे बाजारात मोठ्या प्रमाणात गर्दी होती. त्यामुळे प्रवासी व रिक्षाचालक यांची चुकामुक झाली.
त्यानंतर रिक्षाचालक इतर प्रवासी घेऊन निघून गेला. काही वेळानंतर त्यांच्या लक्षात आले की रिक्षात बसलेल्या महिलेची बाजाराची पिशवी रिक्षातच राहिली.
हेही वाचा : संतुलित आहारातून रोखा फॅटी लिव्हरचा आजार
रिक्षा चालकांनी तत्काळ स्वीटमार्ट गाठले. मिठाई खरेदी घेणाऱ्या महिलेविषयी चौकशी केली असता त्याला त्यांचे नाव समजले.
नावावरून चौकशी करत असतानाच शिक्षक समिती मालेगाव शाखेचे अध्यक्ष भाऊसाहेब पवार यांची योगायोगाने रिक्षाचालक यांच्याशी भेट झाली. त्यांनी अनुसया वैष्णव यांचे घर शोधण्यास मन्सूरी यांना मदत केली. ज्ञानेश्वर नगर परिसरातील शिक्षिकेचे घर शोधून मफ्फूजर मन्सूरी या रिक्षा चालकाने अक्षय तृतीयेचा बाजार श्रीमती. वैष्णव यांना घरपोच दिला. रिक्षाचालकाच्या प्रामाणिकपणा व धडपड पाहून शिक्षिकाही भावूक झाल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
