Nashik News : निफाडमध्ये प्रस्तावित ड्रायपोर्टच्या उभारणीसाठी ‘निसाका’ची १०८ एकर जागा ‘जेएनपीटी’कडे सुपूर्द झाल्यानंतर आता रेल्वे, रस्त्यांसाठी शेतकऱ्यांची साडेआठ एकर जागा खरेदीची प्रक्रिया सुरू झाली आहे.
यामुळे निफाड साखर कारखान्याच्या जागेवर ड्रायपोर्ट उभारण्याचा मार्ग मोकळा झाला आहे.(road to Niphad is open finally clean for transport nashik news)
‘निसाका’ची २५० एकरपैकी १०८ एकर जागा ही महसूल प्रशासनाने मोजणी करून ‘जेएनपीटी’ला हस्तांतरितही केली आहे. ‘जेएनपीटी’कडून त्यापोटी जिल्हा सहकारी बँकेला देय असलेले १०५ कोटी रुपये जिल्हाधिकाऱ्यांकडे दिले आहेत. आता रेल्वेलाइन, रस्ते यासाठी आवश्यक जागा शेतकऱ्यांकडून घेतली जात आहे.
नगरविकास विभागाकडून तिची मोजणी प्रक्रिया पूर्ण होताच या जमिनीचे संपादन होईल. त्यासाठी आता जिल्हास्तरीय समितीकडून तेथील जागेची दर निश्चिती सुरू आहे. हे दर जाहीर होताच त्यानुसार ‘जेएनपीटी’ला ‘महसूल’कडून संपादनासाठी किती पैसे लागणार, याचा प्रस्ताव सादर होईल.
त्यात नियमित भूसंपादन करायचे की थेट खरेदी, अशा दोन्ही दरांचा प्रस्ताव दिला जाईल. त्यानुसार पुढील प्रक्रिया होईल. अद्याप मोजणी अन् तेथील जमिनींचे दरच प्राप्त झाले नसल्याची माहिती निफाडच्या प्रांताधिकारी हेमांगी पाटील यांनी केंद्रीय आरोग्य राज्यमंत्री डॉ. भारती पवार यांच्या उपस्थितीत झालेल्या बैठकीत दिली.
दरम्यान, मात्र थेट खरेदीने जमिनींचे संपादन झाल्यास नियमित दराच्या एकपट अधिक म्हणजे बाजारभावाच्या पाचपट मोबदला संबंधित शेतकऱ्यांना मिळेल. त्यानंतर ‘जेएनपीटी’कडून ड्रायपोर्टचा डीपीआर तयार होईल. प्रत्यक्ष कामकाजाला सुरवात होईल. सद्यःस्थितीत सुमारे ५०० कोटींची तरतूद केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
