दांपत्याच्या कारची काच फोडून मारहाण व जबरी लूट

म्हसरूळ (जि.नाशिक) : जुने नाशिक परिसरातील दांपत्याच्या कारची काच फोडून मारहाण करून जबरी लूट (robbery) करणाऱ्या फरारी संशयितांना पंचवटी पोलिसांच्या (panchavati police) गुन्हे शोध पथकाने (crime branch) २४ तासांच्या आत गजाआड केले.

६० हजारांचे दागिने बळजबरीने लांबविले.

कथडा परिसरातील भोई गल्लीतील नदीम खान पत्नीसमवेत रविवारी (ता. १) पंचवटी भागातून कारमधून जात होते. गणेशवाडीत संशयित विकी बजाज, गुड्डू फसाळे, अजय कुंदे (सर्व रा. गणेशवाडी) यांनी खान यांच्या कारजवळ (एमएच १५, सीटी ९०९१) येऊन काच फोडली. नदीम यांना बेदम मारहाण करून त्यांच्या गळ्यातील दीड तोळ्याची सोनसाखळी, त्यांच्या पत्नीच्या गळ्यातून मंगळसूत्र असे ६० हजारांचे दागिने बळजबरीने लांबविले. या प्रकरणी पंचवटी पोलिस ठाण्यात गुन्हा दाखल झाला आहे. संशयितांना तत्काळ जेरबंद करण्यासाठी पोलिस आयुक्त दीपक पांडे, उपायुक्त अमोल तांबे, सहाय्यक आयुक्त मधुकर गावित यांनी आदेश दिले. त्यावरून पंचवटीचे वरिष्ठ पोलिस निरीक्षक अशोक भगत यांच्या मार्गदर्शनाखाली गुन्हे शोध पथकाचे सत्यवान पवार, पोलिस नाईक सागर कुलकर्णी, पोलिस शिपाई विलास चारोस्कर, कुणाल पचलोरे, नितीन जगताप, राजेश राठोड, कल्पेश जाधव, अंबादास केदार, घनश्याम महाले यांनी मानवी व तांत्रिक साधनांचा वापर करून संशयित विक्की बजाज, अजय कुंदे, अजय भोईर यांना ताब्यात घेतले आहे.