नाशिक : जीवाला घातक असलेला नायलॉन मांजाची शहरात पुन्हा सर्रासपणे विक्री होते आहे. गेल्या आठवड्यात सिडकोमध्ये एक दुचाकीस्वार युवक जखमी झाल्याचीही घटना घडली होती.
अखेर याची गंभीर दखल घेत पोलीस आयुक्त संदीप कर्णिक यांनी नायलॉन मांजा वापराविरोधात मनाई आदेश जारी करतानाच, नायलॉन मांजा निर्मिती, साठ्यासह विक्रेत्या व वापरकर्त्यांना थेट तडीपार करण्यात येणार आहे. (SAKAL Impact sell nylon manja will punished Commissioner of Police issued an injunction nashik)
मकर संक्रांतीनिमित्ताने शहरात पतंग उडविले जातात. परंतु त्यासाठी साधा मांजा न वापरता गेल्या काही वर्षांपासून नायलॉन मांजा वापरला जातो. परंतु या मांजामुळे जीवाला धोका उत्पन्न होऊन गंभीर स्वरुपाच्या दुखापती यापूर्वी झालेल्या आहेत.
दरवर्षी नायलॉन मांजामुळे गंभीर अपघाती घटना घडलेल्या आहेत. २०२० मध्ये भद्रकाली परिसरात मांजामुळे एका महिलेला आपला जीव गमवावा लागला होता. याशिवाय मुक्या पशुपक्ष्यांनाही यापासून धोका उत्पन्न होत असतो.
पोलिस आयुक्त संदीप कर्णिक यांच्या आदेशान्वये शहरात येत्या २३ जानेवारीपर्यंत मांजा प्रतिबंधात्मक मनाई आदेश लागू करण्यात आले आहेत. संक्रांत काही दिवसांवर येऊन ठेपल्याने शहरात पतंगबाजीतही वाढ होणार आहे.
त्यामुळे या काळात कोणतीही जीवितहानी वा गंभीर दुखापतीच्या घटना घडू नये, त्या वेळीच रोखता याव्यात यासाठी आयुक्तांनी सदरचा मनाई आदेश जारी केला आहे. तसेच पोलीस ठाणेनिहाय नायलॉन मांजाविरोधात कारवाई करीत गुन्हे दाखल करण्याचे आदेशही दिले आहेत.
तसेच, कोणत्याही हालचाली, कृत्यामुळे एखाद्या व्यक्तीला भय, धोका किंवा दुखापत झाल्यास संबंधितांवर तडीपारीचीही कारवाई केली जाईल, असेही आदेश आयुक्तांनी दिले आहेत.
सिडकोत मांजा जप्त
सिडको परिसरातील भगतसिंग चौकात नायलॉन मांजा विक्री करण्यास अंबड पोलिसांनी ताब्यात घेतले.
विराज संजय लोणारी (२३, रा. सिडको) असे संशयिताचे नाव असून, त्याच्याकडून ‘मोनो’ नावाच्या मांजाचे १४ हजार रुपयांचे ३५ ‘गट्टू’ जप्त केले आहेत.
त्याच्याविरुद्ध भारतीय दंड विधान कलम १८८ सह पर्यावरण संरक्षण अधिनियमांतर्गत गुन्हा दाखल करण्यात आला आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
