सिन्नर (जि. नाशिक) : वावी येथील सावित्रीबाई फुले महिला पतसंस्थेस मार्च २०२२ अखेर आठ लाख ५६ हजारांचा निव्वळ नफा झाल्याची माहिती संस्थेचे संस्थापक मालती गवळी यांनी दिली.
पतसंस्थेच्या ठेवीमध्ये गेल्या वर्षापेक्षा एक कोटीने वाढ झाली असून, भागभांडवल ४० लाख असून, आर्थिक वर्षात पाच लाखांची वाढ झाली आहे. संस्थेची चालू आर्थिक वर्षात (Financial year) गुंतवणूक एक कोटी ७३ लाख असून, कर्ज वाटप तीन कोटी १७ लाखांचे आहे. संस्थेची कर्जवसुली ९७ टक्के झाली असून, थकबाकी तीन टक्के आहे. संस्थेचा सीडी रेशो ६९.४५ टक्के असून एनपीएचे (NPA) प्रमाण पाच टक्के आहे. संस्थेचे खेळते भागभांडवल पाच कोटी पाच लाख ३४ हजार आहे. संस्थेच्या कर्मचाऱ्यांनी कोरोनाकाळातही (Corona) चांगल्या प्रकारे कर्जवसुलीसाठी प्रयत्न केले.
सभासद व ग्राहकांसाठी आरटीजीएस (RTGS), एनएफटी (NFT) व वीजबिल भरणा सुविधा पुरवल्या जातात. संस्थेने दहा वर्षापासून कर्जदार सभासदांना विमा संरक्षण ठेवले आहे. तसेच सोने तारण ग्राहकांनाही विमा संरक्षण ठेवले आहे. संस्थेने आत्ताच २१ वा वर्धापन दिन साजरा केला. संस्थेची वाटचाल प्रगतीच्या दिशेने आहे. संस्थेच्या अध्यक्षा सरस्वती गोराणे, उपअध्यक्ष अर्चना घेगडमल, संचालक शशिकला अत्रे, ऊर्मिला घोटेकर, निर्मला काकड, मंगल वेलजाळी, शोभा आनप, संजीवनी भसे, संगीता गोराठी व ताराबाई कहांडळ, व्यवस्थापक यशवंत गवळी, भगवान भोपी, योगेश गवळी संस्थेच्या हितासाठी प्रयत्नशील आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
