PM Modi In Nashik : युवा महोत्सवाची मुख्य परेड उद्‍घाटनासाठी सहस्त्रनाद ढोल पथकाच्या 2 संघांची निवड

PM Modi In Nashik : पंतप्रधान मोदी आणि इतर मान्यवरांसमोर सादर होणाऱ्या मुख्य परेडसाठी संघात एकूण ४६ वादकांचा समावेश असेल.

यासाठी सहस्त्रनादच्या दोन संघांची निवड करण्यात आली आहे. (Selection of 2 teams of Sahasrad Dhol Squad to inaugurate main parade of Yuva Mahotsav nashik news)

एक व्हीव्हीआयपी मार्गावर आणि दुसरा मंचाजवळील परेड मार्गावर. पंतप्रधानांच्या उपस्थितीत होणाऱ्या या प्रतिष्ठित कार्यक्रमात सहभागी होणे, हा या पथकासाठी सन्मान आहे. राज्य सरकार आणि केंद्र सरकारच्या टिमने या संघाची निवड केली आहे.

महाराष्ट्राच्या संगीत संस्कृतीचा समृद्ध वारसा सादर करण्यासाठी, या कार्यक्रमाची शोभा वाढविण्यासाठी सर्वांत प्रसिद्ध नाशिक ढोलचा ताल वाजविण्यात येणार आहे.

पथकाचा गणवेश आणि रुबाबदार पैठणी फेटा, असा त्यांचा पेहेराव असणार आहे. आम्ही जोपासलेल्या कलेला आणि युवा शक्तीच्या मेहनतीला हे वादन आम्ही समर्पित करत आहोत, असे अमी छेडा आणि शौनक गायधनी यांनी सांगितले.