Shiv Sena Election Symbol : मशाली पेटवून युवासेनेचा जल्लोष

इंदिरानगर (जि. नाशिक) : निवडणूक आयोगाने ठाकरे गटाला मशाल हे निवडणूक चिन्ह दिल्यानंतर वासननगर भागात युवा सेनेतर्फे मशाली पेटवून जल्लोष करण्यात आला. युवा सेनेचे उपजिल्हाप्रमुख बाळकृष्ण शिरसाट यांच्या नेतृत्वाखाली हा जल्लोष करण्यात आला. (Shiv Sena New Sign Yuvasena cheers by Mashal Nashik Latest Marathi News)

मोठ्या संख्येने उपस्थित असलेल्या युवा सेनेच्या कार्यकर्त्यांनी आपल्या व्हॉट्स ॲपचे डीपी तसेच स्टेटसवर नवीन चिन्ह आणि शिवसेना उद्धव बाळासाहेब ठाकरे हा नवा लोगो ठेवत जोरदार घोषणाबाजी केली. 'शिवसेना ठाकरेंची, अस्मिता आहे महाराष्ट्राची, उद्धव बाळासाहेब ठाकरे यांच्या शिवसेनेचा विजय असो आदी घोषणा देण्यात आल्या. या वेळी साईनाथ निकम, ऋषी राणे, मोहित पन्हाळे, प्रीतम पाटील, धीरज राऊत, स्वप्नील पारवे, अक्षय बाविस्कर, शुभम शिवदे, रोहित भरीत, दत्तू सोपणार, रवी उगले, दगडू पाटील, अनिकेत राजपूत आदींसह युवा सेनेचे कार्यकर्ते उपस्थित होते.