Uddhav Thackeray Group : शिवसेना उद्धव बाळासाहेब ठाकरे गट उपनेतेपदी अद्वय हिरे

मालेगाव (जि. नाशिक) : शिवसेना उद्धव बाळासाहेब ठाकरे गटाच्या उपनेतेपदी जिल्हा बँकेचे माजी अध्यक्ष अद्वय हिरे यांची निवड करण्यात आली. मुंबई येथे पक्षप्रमुख उद्धव ठाकरे यांचे प्रमुख उपस्थितीत गुरुवारी (ता.९) ही घोषणा झाली. (Shiv Sena Uddhav Balasaheb Thackeray Group Deputy Leader Advaya Hire nashik news)

हेही वाचा : नेट बँकिंग खात्यात ठेवा कमी रक्कम...जाणून घ्या कारण

शिवसेनेचे सचिव खासदार विनायक राऊत यांनी श्री. हिरे यांना नियुक्ती पत्र देऊन शुभेच्छा दिल्या. निवडीबद्दल शिवसेनेचे खासदार संजय राऊत यांनी श्री. हिरे यांचे अभिनंदन करून तुमच्या संघटन कौशल्याचे हे फलित असल्याचे म्हटले आहे.

श्री. हिरे यांचे पक्ष प्रमुख उद्धव ठाकरे, खासदार संजय राऊत, खासदार विनायक राऊत, माजीमंत्री सुभाष देसाई, विरोधीपक्ष नेते अंबादास दानवे, आमदार भास्करराव जाधव आदींनी अभिनंदन केले. पक्षाच्या उपनेते पदी निवड झाल्याने हिरे समर्थकांनी आनंद व्यक्त केला.