नाशिक : केंद्रीय मंत्री नारायण राणे (Narayan Rane) यांनी मुख्यमंत्र्यांबाबत केलेल्या आक्षेपार्ह विधानानंतर महाराष्ट्रभर सेना आणि भाजप (shivsena and bjp) कार्यकर्त्यांमध्ये चांगलीच जुंपली होती. भाजप कार्यालयाची तोडफोड केल्याप्रकरणी नाशिकमधील शिवसेनेच्या कार्यकर्त्यांवर गुन्हे दाखल करण्यात आले होते. या कार्यकर्त्यांचा शोध नाशिक पोलीस घेत होते. यावर शिवसेना खासदार संजय राऊत यांच्या निवासस्थानी जाऊन या कार्यकर्त्यांनी त्यांची भेट घेतली होती. त्यानंतर या कार्यकर्त्यांच्या अटकपूर्व जामीनासाठी आम्ही प्रयत्न करत असल्याचं संजय राऊत काल (ता.२७) सांगितलं होतं. त्यानंतर भाजपा कार्यालयात हल्लाप्रकरणी शिवसेना नगरसेवक दीपक दातीर आणि बाळा दराडे यांना तात्पुरता अटकपूर्व जामीन मंजूर करण्यात आला आहे.
भाजपा वर्तुळात अस्वस्थता
भाजपा कार्यालयात हल्लाप्रकरणी शिवसेना नगरसेवक दीपक दातीर आणि बाळा दराडे यांना तात्पुरता अटकपूर्व जामीन मंजूर करण्यात आला आहे. संशयितांना अटकपूर्व जामीन मंजूर झाल्याने भाजपा वर्तुळात अस्वस्थता निर्माण झाली आहे. सेशन कोर्टाने ३० ऑगस्टपर्यंत जामीन मंजूर करण्यात आला आहे. या प्रकरणी 30 तारखेला पुन्हा सुनावणी होणार आहे. राऊत यांच्या अचानक ठरलेल्या नाशिक दौऱ्यामुळे राजकीय चर्चांना उधाण आले असून सेना-भाजपातील राड्यानंतर राऊत नाशिककडे रवाना झाले. राऊत यांच्या दौऱ्याकडे संपूर्ण महाराष्ट्र राज्याचे लक्ष लागले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
