नाशिक : माघी गणेश चतुर्थीला ‘विनायकी चतुर्थी’ म्हटले जाते. असूर नरांतकाचा वध करण्यासाठी कश्यपाच्या पोटी विनायक नावाने अवतार धारण केला म्हणून ही विनायकी प्रसिद्ध आहे. शिवाय या चतुर्थीला ‘ढुंढिराज चतुर्थी’ असेही म्हणतात.
या दिवशी उपवास करून श्रद्धेने गणेशाची पूजा केली जाते. पंचमीला तिळाचे भोजन केले जाते. गौरी व्रताचे महत्त्व असलेल्या माघी गणेश जयंतीनिमित्त गणेश मंदिरातून बुधवारी (ता. २५) गणेश याग, महाप्रसाद असे कार्यक्रम होतील.
गणपती मंदिरात पहाटेपासून भाविकांची दर्शन, पूजा- विधीसाठी वर्दळ सुरू होईल. माघी गणेश जयंतीच्या आख्यायिकेनुसार तिथीला स्नान, दान, जप व होम आदी शुभ कर्मांनी गजाननाच्या कृपेने सहस्रपट कामे यशस्वी होतात.
या दिवशी नक्‍तव्रत करून जे धुंडिराजाची मध्यान्ही व सायंकाळी पूजा करतील, त्यांना सर्व देवांच्या पूजेचे फल मिळते व ते सर्वत्र विजय प्राप्त होतो, अशी आख्यायिका आहे.
सौभाग्य अन आरोग्याची प्राप्ती
ॐ महोल्काय विद्‌महे
वक्रतुंडाय धीमहि ।
तन्नोदन्ति प्रचोदयात् ॥
अग्निपुराणातील हा श्‍लोक आहे. तिथीस गौरीव्रत केले जाते. गणांसह गौरीची पूजा करतात. भगवती गौरीची पूजा होते. सुख-सौभाग्यासाठी सुवासिनींची पूजा केली जाते. प्रसन्न मनाने स्वबांधवांसह स्वत: भोजन केले जाते. गौरीव्रताच्या प्रभावाने सौभाग्य व आरोग्य यांची प्राप्ती होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
