नाशिक : (दिंडोरी) तालुक्यातील परमोरी गावातील शेतकरी अनिल दिघे यांच्या घराशेजारी तो मृत्यूच्या अवस्थेत पडलेला असल्याची घटना घडली. काय करावे, या विचाराने उडाला सगळ्यांचा गोंधळ... पण तो देवदूतासारखा आला अन् वाचविले त्याचे प्राण... नळीद्वारे स्वत:चा श्वास देत त्याने त्याला जीवदान दिले.
अशी आहे घटना
परमोरी शेतकरी अनिल पंडित दिघे यांच्या घराशेजारी शेतात काम करतांना सोमवारी (ता. 9) दुपारी अडीचला पाच फूट लांबीचा नाग आढळला. घाबरून न जाता तत्काळ तालुक्यातील आंबे वणीचे सर्पमित्र दीपक धामोडे यांना फोन केला. काही वेळातच त्यांचे सहकारी मित्र हृषीकेश अभिजित घटनास्थळी दाखल झाले. त्यांनी त्या सापाची पाहणी केली असता तो साप थोडाफार मृत्यूच्या अवस्थेत पडलेला होता. त्याच्या शरीराच्या हालचाली सुरू दिसताच त्यांनी त्याच ठिकाणी उपचार सुरू केले. सर्पमित्र दीपक धामोडे यांनी त्या सापाच्या तोंडात नळी टाकून त्याला स्वत:चा श्वास देण्यात प्रयत्न केला असता पाच-दहा मिनिटांनी त्या सापाच्या हालचालींना सुरवात झाली. सापाला सुखरूप पकडून नदीच्या ठिकाणी सुरक्षित सोडून जीवदान मिळाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.