State Ideal Teacher Award: जिल्ह्यात 5 शिक्षकांना राज्य आदर्श शिक्षक पुरस्कार

State Ideal Teacher Award : सन २०२२-२३ या शैक्षणिक वर्षाचे क्रांतीमाई सावित्रीबाई फुले राज्य आदर्श शिक्षक पुरस्कार आदिवासी विभागातून दोन, सावित्रीबाई फुले महिला शिक्षिका गटातून एक, सर्वसाधारण विभागातून एक व माध्यमिक गटातून एक, अशा पाच शिक्षकांना पुरस्कार जाहीर झाले आहेत.

जिल्ह्यातील पाच शिक्षकांना शिक्षकदिनी राज्य पुरस्काराने गौरविण्यात येणार आहे. (State Ideal Teacher Award to 5 teachers in district nashik)

हेही वाचा : Credit Card फसवणूक....काय घ्याल काळजी?

नाशिक जिल्ह्यातून आदिवासी शिक्षक विभागातून माधुरी केवळराव पाटील (मोडाळे, ता. इगतपुरी) व विलास शिवाजीराव जमदाडे (वनारवाडी, ता. दिंडोरी) या दोघांना जाहीर झाला आहे.

सर्वसाधारण गटातून बाणगंगानगर (ता. निफाड) शाळेच्या उपशिक्षिका नलिनी बन्सीलाल बागूल, सावित्रीबाई फुले आदर्श शिक्षिका गटातून नाशिक महापालिका, आनंदवली शाळा क्र, १६ च्या शिक्षिका कुंदा जयवंत बच्छाव व माध्यमिक शिक्षक गटातून रावसाहेब खंडेराव जाधव (अजितदादा पवार माध्यमिक शाळा, सोग्रस, ता. चांदवड) अशा पाच शिक्षकांना या वर्षीचे राज्य शासनाचे पुरस्कार जाहीर झाले आहेत.