नाशिक : जिल्ह्यात अनधिकृतरित्या सुरू असलेल्या खडीक्रेशरचा मुद्दा गेल्या काही दिवसांपासून ऐरणीवर आलेला आहे. त्यामुळे प्रशासनाकडून काही ठिकाणी कठोर तर काही ठिकाणी सोयीने कारवाई करताना दुर्लक्ष केले जात आहे.
जिल्ह्यातील गणेशनगर येथे अनधिकृतरित्या सुरू असलेल्या खडी क्रेशरवर जिल्हा प्रशासनाच्या नाशिकच्या पथकाने कारवाई करीत सील केले. या खडी क्रेशरचा वीजपुरवठाही खंडित केला आहे. प्रशासनाच्या या कारवाईमुळे पुन्हा अवैधरित्या असलेल्या खडीक्रेशर चालकांचे धाबे दणाणले आहे. (Stone crusher seal at Ganeshnagar District Administration Action on Unlicensed Mining Nashik News)
हेही वाचा : संयुक्त नावावरील गृहकर्जातून होईल प्राप्तीकराची बचत...
जिल्हाधिकारी गंगाथरण डी. यांच्याकडे गणेशनगरमध्ये अवैधरित्या खडी क्रेशर सुरू असल्याची तक्रार आली होती. या तक्रारीबाबत शहानिशा केल्यानंतर जिल्हाधिकाऱ्यांनी गौणखनिज विभगाच्या पथकाला जागेवर जाऊन कारवाई करण्याचे आदेश बजावले होते. त्यानुसार पथकाने बुधवारी (ता. १४) गणेशनगर येथे अवैधरित्या सुरू असलेल्या खडी क्रेशरवर कारवाईचा बडगा उगारला आहे. मालेगावच्या अपर जिल्हाधिकाऱ्यांच्या समक्ष पथकाने सदरील खडी क्रेशर सील केले आहे. क्रेशरसाठी असलेला वीज पुरवठाही खंडीत करण्यात आला आहे.
जिल्हा प्रशासनाच्या या पथकाकडून गुरुवारीही (ता. १५) उत्खनन करण्यात आलेल्या जागेची पाहाणी केली. गेल्या सहा महिन्यांपासून याठिकाणी अवैधरित्या उत्खनन सुरू आहे. त्यामुळे यासंदर्भातील सविस्तर माहिती संकलित केली जात आहे. पथकाच्या अहवालानुसार, खडी क्रेशर चालकाविरोधात कारवाई केली जाईल, असे प्रशासनातर्फे सांगण्यात आले.
"गणेशनगर येथील खडीक्रशर चालकाकडे उत्खननाबाबतच्या कोणत्याही परवानगी नसल्याचे समोर आले आहे. मालेगावच्या अपर जिल्हाधिकाऱ्यांच्या समक्ष क्रशर सील केले. पथकाच्या अहवालानंतर पुढील कारवाई केली जाईल."
- रोहिणी चव्हाण, जिल्हा खनिकर्म अधिकारी, नाशिक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
