नाशिक : पंचवटी चिंचबन परिसरातील डॉक्टरने राहत्या घरात गळफास घेऊन आत्महत्या केल्याची धक्कादायक घटना सोमवारी सकाळी उघडकीस आली. पती- पत्नीतील कौटुंबिक वादातून ही घटना घडल्याचा संशय पोलिसांनी व्यक्त केला आहे. (Suicide of doctor in Panchvati Nashik Latest Marathi News)
नीलेशकुमार पोपटलाल छाजेड (४८, रा. धात्रक संकुल, चिंचबन, मालेगाव स्टॅन्डजवळ, पंचवटी), असे मयत डॉक्टरचे नाव आहे. पोलिसांच्या माहितीनुसार, डॉ. छाजेड हे पंचवटीतील सुयोग हॉस्पिटलमध्ये कार्यरत होते. सोमवारी (ता. ५) सकाळी साडेसात वाजता छाजेड यांनी राहत्या घरात गळफास लावून घेतला.
घटना उघडकीस येताच त्यांना रुग्णालयात दाखल करण्यात आले. मात्र, वैद्यकीय अधिकाऱ्यांनी तपासून मृत घोषित केले. दरम्यान, डॉ. छाजेड यांचे गेल्या अनेक महिन्यांपासून कौटुंबिक वाद सुरू होते. त्यातूनच त्यांनी टोकाचे पाऊल उचलल्याचे पंचवटी पोलिसांनी शंका व्यक्त केली आहे. छाजेड यांच्या पश्चात पत्नी, मुलगा, आई, वडील असा परिवार आहे. याप्रकरणी पंचवटी पोलिसांत आकस्मिक मृत्यूची नोंद करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
