Swami Samarth Kendra Extortion Case: खंडणी प्रकरणातील संशयितांना जामीन

नाशिक : गंगापूर पोलिस ठाण्यात दहा लाखांच्या खंडणी प्रकरणी दाखल गुन्ह्यातील संशयित महिला कृषी अधिकाऱ्यासह तिचा मुलगा व भावाला न्यायालयाने जामीन मंजूर केला.

गेल्या १९ तारखेला याप्रकरणी खंडणीचा गुन्हा दाखल करण्यात आला होता. (Swami Samarth Kendra Extortion Case Suspects granted bail in extortion case nashik crime)

सारिका बापूराव सोनवणे (वय ४२), मुलगा मोहित सोनवणे (वय २५, रा. नाशिक), विनोद सयाजी चव्हाण (वय ४४, रा. देवळा) अशी जामीन मंजूर झालेल्या संशयितांची नावे आहेत.

याप्रकरणी दिंडोरीप्रणीत श्री स्वामी समर्थ सेवा केंद्राचे विश्वस्त निंबा शिरसाठ यांच्या फिर्यादीनुसार, संशयित मायलेकांनी त्यांना आक्षेपार्ह व्हिडिओ दाखवून दहा लाखांच्या खंडणीची मागणी केली होती.

गेल्या १८ तारखेला रात्री गंगापूर पोलिस व खंडणीविरोधी पथकाने दोघांना अटक केली होती. यात संशयिताचा भाऊ विनोद चव्हाण याचाही सहभाग निष्पन्न झाल्याने त्यासही अटक केली होती.

त्यांच्या जामीन अर्जांवर बुधवारी (ता. २९) अतिरिक्त मुख्य न्यायदंडाधिकारी आर. आर. खान यांच्यासमोर सुनावणी झाली. त्या वेळी तिघा संशयितांना अटी-शर्तींच्या अधीन राहून जामीन मंजूर करण्यात आला आहे.