नाशिक : गेल्या दीड वर्षापासून कोरोना संसर्गाने थैमान घातले आहे. या कालावधीत जीवनावश्यक वस्तूंचे दरही सातत्याने वाढत आहेत. त्यात मिठाईच्या किमतीही गणेशोत्सवापासून वाढल्या आहेत. गणेशोत्सवासह नवरात्रीत मोठ्या प्रमाणात मागणी वाढल्यानंतर दसऱ्याला बासुंदी, पेढे, मावा सर्वाधिक मागणी होत असल्याने मोठी उलाढाल होणार आहे.
मागील काही दिवसात साखर, दूध, डाळी, सिलिंडर गॅस, खाद्यतेलाच्या किमती वाढल्याने मिठाईच्या दरात वाढ झाली असली तरी सणासुदीत गोडवा कमी झालेला नाही. मिठाईच्या दरवाढीमुळे ग्राहकांच्या खिशाला झळ बसत असल्याचे चित्र आहे. मिठाईसाठी लागणाऱ्या कच्च्या मालाचा पुरवठा कमी झाल्यामुळे मिठाईचे दर वाढले असल्याचे व्यावसायिकांनी सांगितले. स्वीट मार्ट, हॉटेलात मिठाईपासून जे दुधाचे पदार्थ बनवितात. त्यामध्ये भेसळ होण्याची शक्यता असते. यातून एखादवेळी मिठाई खाणाऱ्याचे आरोग्य धोक्यात येऊ शकते. त्यामुळे मिठाई खरेदी करताना ग्राहकाने बेस्ट बिफोर बघूनच मिठाईची खरेदी करावी. गणेशोत्सवात मोदक, पेढा, मोतीचूर लाडू, बेसन लाडू या मिठाईला ग्राहक पसंती मिळाली होती. मोठी उलाढाल मिठाई बाजारात झाली होती. आता पुन्हा मागणी वाढली असली तरी पुरवठा कमी असल्याने बाजारात मिठाईची कमतरता भासणार असल्याची स्थिती आहे.
मिठाईचे दर दुधासह कच्च्या मालाच्या किमती वाढल्यामुळे वाढले आहेत. दसऱ्याला बासुंदीसह, पेढा, माव्याला सर्वाधिक मागणी असते. यंदा दरात २० रुपयांची वाढ करण्यात आली असून, दूध दराच्या वाढीसह दुधाची कमतरता असल्यामुळे पुरवठा कमी केला आहे.
-अतुल देवरे, व्यावसायिक
असे आहेत दर
आता - आधी
बासुंदी - ३४० - ३२०
पेढे-मावा - ५४० - ५२०
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
