नांदगाव (जि. नाशिक) : तालुक्यातील बोगस डॉक्टरांवर कारवाई करण्यासाठी मनसे स्टाईल आंदोलन करण्यात येईल, असा इशारा मनसेने (MNS) दिला आहे. तालुक्याचे आरोग्याधिकारी डाॅ. संतोष जगताप यांना मनसेने याबाबत निवेदन दिले.
निवेदनात म्हटले आहे, की नांदगाव तालुक्यात पदवी नसताना अथवा पात्रता नसताना जनरल प्रॅक्टीस करून रुग्णाच्या जिवाशी बोगस डॉक्टर खेळत आहेत. बोगस डॉक्टरांना (bogus Doctors) पेशटला इंजेक्शन देण्याचा अधिकार नाही. मात्र, बोगस डॉक्टर रुग्णाच्या जिवाशी खेळत आहेत. काही घाउक मेडिकल एजन्सीकडून बोगस डॉक्टर औषधे घेऊन जातात व निरागस, गरीब रुग्ण अथवा लोकांना चढ्या दराने माल विकतात. सध्या ४० ते ४१ अंश तापमान असताना, बोगस डॉक्टर औषधे सोबत घेऊन फिरतात. त्यामुळे औषधे खराब होऊन रुणाला त्रास होऊ शकतो. बोगस डॉक्टरचा बंदोबस्त करावा, अशी मागणी निवेदनात केली आहे.तालुक्यातील आरोग्य विभागाने निवेदनावनंतरही कारवाई केली नाही, तर मनसे स्टाईल आंदोलन करू, असा इशारा निवेदनात दिला आहे.
निवेदन देतेवेळी मनसेचे तालुकाध्यक्ष प्रदीप थोरात, अभिषेक इघे, सतीश आहिरे, कुणाल सौंदाणे, विनोद पवार, गणेश चौधरी आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.