Nashik News : कळवणहून येथे पैठणी खरेदीसाठी आलेल्या तरुणाचा नायलॉन मांजामुळे गळा चिरला आहे. त्याच्या गळ्याला आठ टाके पडले आहे. या घटनेमुळे हळहळ अन्‌ संतापही व्यक्त होत आहे.
नायलॉन मांजा वापरास व विक्रीस बंदी असतानाही मोठ्या प्रमाणात नायलॉन मांजा विक्रीला आला आहे. (throat of Kalwan youth was cut with nylon manja nashik news)
नायलॉन मांजामुळे मागील आठवड्यात जखमी होण्याचे प्रकार घडले आहेत. तरीही मांजराचा वापर सर्रास सुरूच असल्याचे आजच्या घटनेवरून पुढे आले आहे. कळवण येथून येवल्यात पैठणी घेण्यासाठी आलेल्या तरुणाचा नायलॉन मांजा गळ्यात अडकल्याने गळा चिरला गेला.
तब्बल आठ टाके तरुणाला पडले. पैठणी खरेदीसाठी येणाऱ्या ग्राहकांचे गळे कापले जात असतील तर चुकीचा संदेश जाऊ शकतो, असे म्हटले जात आहे.
दरम्यान, नायलॉन मांजा विकणाऱ्यांना आणि नायलॉन माजांचा वापर करून पतंग उडविणाऱ्यांनाही अटक करून त्यांच्यावर तडीपारीची कारवाई करावी, अशी मागणी आता सर्व स्तरातून होत आहे.
मात्र, प्रशासन फक्त बघ्याची भूमिका घेत आहे. अद्याप कोणतीही कारवाई नायलॉन मांजासंदर्भात करण्यात आलेली नाही. चोरी छुपे पद्धतीने सर्रास नायलॉन मांजा विक्री सुरू असून, याकडे प्रशासन डोळेझाक करीत आहे. नायलॉन मांजा विक्री व वापरावर कोण प्रतिबंध आणणार, हा प्रश्नच आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
