त्र्यंबकेश्वर : बारा ज्योतिर्लिंगापैकी एक असलेल्या येथील त्र्यंबकेश्वराचे मंदिर येत्या ५ ते १२ जानेवारीदरम्यान बंद राहणार आहे, असे ट्रस्टतर्फे कळविण्यात आले आहे. भाविकांनी याची नोंद घ्यावी, असे आवाहन करण्यात आले आहे.
भाविकांना दर्शन घेता येणार नाही
अतिप्राचीन ज्योतिर्लिंग मंदिराच्या संवर्धनाचे काम हाती घेण्यात आले असून, देखभाल व काही डागडुजी करण्यात येणार आहे. त्यामुळे या काळात मंदिर पूर्णपणे बंद राहील. भाविकांना दर्शन घेता येणार नाही.
या कालावधीत भाविकांना त्र्यंबकेश्वर मंदिरात प्रवेश बंद करण्यात येणार आहे. मंदिरातील गर्भगृह पिंडीची, पाळची होत असलेली झीज थांबविणे व महादेवाच्या पिंडीचे संवर्धन करण्यात येणार आहे.
संवर्धनाचे हे काम पुरातत्त्व विभागामार्फेत करण्यात येत आहे. सर्व भाविक व हितचिंतकांनी याची नोंद घ्यावी, असे त्र्यंबकेश्वर देवस्थान ट्रस्टचे अध्यक्ष व विश्वस्त मंडळाने कळविले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.