मालेगाव : शहरासह तालुक्यात रस्ता लुटीचे प्रकार सातत्याने होत आहेत. विविध राज्य रस्ते व महामार्गावर होणारी मोबाईलची लूट पोलिसांसाठी डोकेदुखी ठरली असतानाच तालुक्यातील गिगाव शिवारात गिगाव-सिताणे रस्त्यावर चोरट्यांनी चारचाकीमधून सुमारे अडीच लाख रुपये लंपास केल्याने खळबळ उडाली आहे.
गिगाव-सिताणे रस्त्याने सुरेश रामदास जाधव (वय ३४, रा. सिताणे, ता. मालेगाव) हे स्विफ्ट कारने (एमएच ०३ एआर ९००७) सिताणेकडे जात होते. त्याचवेळी दुचाकीवरून आलेल्या तीन संशयित यांनी दुचाकी कारजवळ नेत काचा फोडल्या.
यावेळी कारचालक तरुण व संशयितांमध्ये झटापट झाली. संशयितांनी सुरेश यांना मारहाण करत गाडीत ठेवलेली २ लाख ४० हजार रुपयांची बॅग हिसकावून नेली. २० मार्चला रात्री हा प्रकार घडला.
हेही वाचा: एका मुलाखतीतून उलगडलेले भैरप्पा!
रस्ता लुटीच्या घटना दिवसेंदिवस वाढत असल्याने चिंता व्यक्त करण्यात येत आहे. मोबाईल, सोने, पाठोपाठ रोख लूट करण्याचा प्रकार घडल्याने संशयितांचा तपास पोलिसांना आवाहन ठरणार आहे.
घटनेची माहिती मिळताच उपअधिक्षक पुष्कराज सूर्यवंशी, सहाय्यक निरीक्षक हेमंत पाटील व सहकाऱ्यांनी घटनास्थळी भेट देऊन पहाणी केली. श्री. जाधव यांच्या तक्रारीवरून तालुका पोलिस ठाण्यात जबरी चोरीचा गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
