चांदवड (नाशिक) : विधानसभेचे विरोधी पक्ष नेते विजय वडेट्टीवार यांनी उपमुख्यमंत्री अजित पवार आणि पंतप्रधान नरेंद्र मोदी यांची जोरदार खिल्ली उडवली आहे. चांदवड येथील शेतकरी मेळाव्यात बोलताना वडेट्टीवार यांनी "बेटा अजित कितना खाया..? सरदार ७० हजार कोटी..बहुत खाया..ये ले तिजोरी की चाबी रख.." असे म्हणत अजित पवार आणि नरेंद्र मोदी यांच्यावर तीव्र टीका केली.
शेतकरी मेळाव्यातील जोरदार भाषण-
विजय वडेट्टीवार नाशिकच्या चांदवड येथे माजी आमदार शिरीष कोतवाल यांच्या अभिष्टचिंतन सोहळ्यानिमित्त आयोजित शेतकरी मेळाव्यात बोलत होते. या मेळाव्यात त्यांनी सत्ताधाऱ्यांवर तोफ डागली आणि त्यांच्या विविध निर्णयांवर टीका केली. वडेट्टीवार यांनी शेतकऱ्यांच्या प्रश्नांवर लक्ष केंद्रीत करताना सत्ताधारी पक्षाच्या धोरणांची खिल्ली उडवली.
अमोल मिटकरींचे शोले स्टाईल उत्तर-
वडेट्टीवारांच्या या टीकेला राष्ट्रवादीचे आमदार अमोल मिटकरी यांनी शोले'च्या स्टाईलमध्ये पलटवार केला. "क्योरें सांभा चंद्रपूर में दारू बंद करने के लिए कितने खाये..? और कितने आदमी थे.." असा शोलेच्या डायलॉग'मध्ये उत्तर देत त्यांनी वडेट्टीवारांना प्रत्युत्तर दिले. मिटकरी म्हणाले की, "शोलेच्या माध्यमातून आम्हाला बोलायला लावू नका. वडेट्टीवारांनी तोंड आवारावं."
राजकीय वातावरण तंग-
या टोमण्यामुळे राजकीय वातावरण आणखीनच तंग झाले आहे. वडेट्टीवार आणि अमोल मिटकरी यांच्या या आरोप-प्रत्यारोपामुळे राज्यातील राजकीय नेत्यांमध्ये खळबळ माजली आहे. या टीका-टिपण्णींमुळे आगामी निवडणुकीच्या पार्श्वभूमीवर राज्यातील राजकीय वातावरण कसे राहील, याकडे सर्वांचे लक्ष लागले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
