कौटुंबिक संशयावरून पोलिस ठाण्याच्या आवारातच जबर मारहाण

सातपूर (नाशिक) : शेजारी (Neighbors) खरा पाहारेकरी अशी अशी पोलिस (Police) खात्याची योजना होती या योजनेत शेजारी राहणारेच एकमेकाचे भाऊबंध अथवा सगेसोयरे तसेच सुखदुःखात धावून जावे असे संबध निर्माण व्हावे यासाठी या योजनेचा प्रभावी वापर एकेकाळी पोलिस विभागाकडून केला जात असे. पण सातपूर मध्ये मात्र त्या उलट प्रकार आज समोर आला एकमेकांच्या संशयावरून दोन शेजाऱ्यांमध्ये वाद झाला. हा वाद एवढा विकोपाला गेला की सातपूर पोलिस ठाण्याच्या समोरच लोखंडी सळ्यांनी मारहाण करत एकमेकांना गंभीर जखमी केल्याचा प्रकार समोर आला आहे. यावेळी मुख्य त्र्यंबक रस्त्यावर मोठ्या प्रमाणावर गर्दी जमल्याने काही काळ वाहतूकीचाही खोळंबा झाला होता.

आलिशान राहणीमानाच्या नादात कौटुंबिक वातावरण मात्र लोप पावत आसून याच वातावरणामुळे घराघरात संशयाने जागा घेतली आणि रागाच्या भरात जे नको तेच घडायला लागले आहे.

सविस्तर वृत्त असे....

सिडको येथे अभिजीत भटकळ व सतिश शिंदे हे शेजारी राहत असलेल्या दोन कुटूंबात एकमेकांच्या चारित्र्याचा संशयावरून वाद होता, तो वाद मिटविण्यासाठी सातपूर स्टेट बँक समोर दोन्ही बाजूने लोक एकत्र आले पण चर्चे दरम्यान मात्र वाद कमी होण्या ऐवजी तो वाढला. यामुळे परीसरात एकच गर्दी जमली यामुळे सातपूर पोलिस ठाण्यातील कर्मचारी हजर होत हा घरगुती वाद रस्त्यावर न करण्याचा सल्ला देत त्यांना हटकले पण हे दोन्ही गट सातपूर पोलिस ठाण्यासमोर आले आणि पुन्हा वादाला सुरवात झाली त्यातील एका महीलेने फोन करून आपल्या नातेवाईकांना बोलवले आणि या नातेवाईकांनी समोरच्यावर लोखंडी सळ्यानी मारहाण केली.

यावेळी दुपारी 3 वाजेच्या सुमारास दोन्ही गटांत तुंबळ हाणामारी झाली. सातपूर त्र्यंबक रोडवरील सातपूर पोलिस स्टेशन समोरील परिसरात ही घटना घडली. या घटनेत तीन जणांना गंभीर दुखापत झाली आहे. उपचारासाठी शासकीय इस्पितळात दाखल करण्यात आले असून पुढील तपास गुन्हे शाखेचे वरिष्ठ पोलिस निरीक्षक सतीश घोटेकर यांच्या मार्गदर्शनाखाली सुरू आहे. तरी उशिरा पर्यंत गुन्हा नोंदविण्याचे काम सुरू होते. सातपूर पोलिसांच्या सतर्कतेमुळे आज एका व्यक्तीचा जीव वाचविण्यात यश आले आहे.