नाशिक : सातपूर एमआयडीसीमध्ये इमारतीच्या बाल्कनीतून तोल जाऊन एका वयोवृद्ध महिलेचा मृत्यू झाल्याची दुर्दैवी घटना मंगळवारी रात्री घडली. मंगला दत्तात्रय दळवी (वय 72) असं मृत महिलेचं नाव आहे. या थरारक घटनेचा व्हिडीओ सीसीटीव्ही कॅमेऱ्यात कैद झालाय. (Woman dies after falling from balcony Nashik Latest Marathi News)
पोलिसांनी दिलेल्या माहितीनुसार, नाशिकच्या सातपूर एमआयडीसी भागात एबीबी कंपनीच्या पाठीमागे सोमेश्वर कॉलनीत मंगला दळवी यांच्या भावाचा फ्लॅट आहेत. या फ्लॅटमध्ये त्या आशा फडणवीस यांच्यासोबत राहत होत्या. मंगळवारी गॅलरीत उभ्या असतांना त्यांचा अचानक तोल गेला आणि त्या उंचावरून खाली पडल्या.
त्यामुळे मंगला यांचा जागीच मृत्यू झाला. या घटनेची माहिती मिळताच पोलिसांनी तातडीने घटनास्थळी धाव घेतली. दरम्यान, या थरारक घटनेचा व्हिडीओ परिसरातील सीसीटीव्ही कॅमेऱ्यात कैद झाला आहे. याप्रकरणी अंबड पोलिसात नोंद करण्यात आली आहे. मंगला यांचा अचानक मृत्यू झाल्याने परिसरातून हळहळ व्यक्त केली जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
