Nashik News : सातपूर परिसरात राहणाऱ्या परप्रांतीय युवतीने छटपूजेच्या दुसऱ्याच दिवशी उंदीर मारण्याचे औषध सेवन केले. उपचारादरम्यान युवतीचा मृत्यू झाला असून, याप्रकरणी सातपूर पोलिसांत अकस्मात मृत्यूची नोंद करण्यात आली आहे. (Young woman ended her life by consuming drugs Nashik News)
गौरी उमेश पंडित (वय १८, रा. निगळ गल्ली, सातपूर) असे मृत युवतीचे नाव आहे. रविवारी (ता. १९) उत्तर भारतीयांचा छटपूजेचा उत्सव होता. छटपूजेनंतर गौरीने परिसरामध्ये प्रसाद वाटप केला.
त्यानंतर अचानक ती तणावात गेली आणि मंगळवारी (ता. २१) तिने दुपारी एकला उंदीर मारण्याचे औषध सेवन केले. ही घटना लक्षात येताच वडील उमेश यांनी तिला अशोकनगर परिसरातील खासगी रुग्णालयात उपचारासाठी दाखल केले.
उपचार सुरू असतानाच तिची प्रकृती खालावली आणि सोमवारी (ता. २७) तिचा मृत्यू झाला. शिक्षण घेत असलेल्या गौरीने अचानक विष का घेतले, याचे कारण समोर आलेले नाही.
पंडित कुटुंब मूळचे बिहारचे असून, ते मोलमजुरी करतात. या घटनेने परिसरात हळहळ व्यक्त होत असून, याप्रकरणी सातपूर पोलिसांत अकस्मात मृत्यूची नोंद करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
