गट- गणांच्या हरकती व सूचनांवर आजऐवजी 13 जूनला सुनावणी

नाशिक : जिल्हा परिषद (ZP) व पंचायत समितीच्या (Panchayat Samiti) सार्वत्रिक निवडणुकीच्या (Elections) अनुषंगाने नाशिक जिल्ह्यातील जिल्हा परिषद व पंचायत समिती प्रारूप प्रभाग रचनेवर (ward formations) घेतलेल्या हरकतींची सुनावणी प्रशासकीय कारणास्तव १० जून ऐवजी १३ जून २०२२ रोजी विभागीय आयुक्त यांच्या कार्यालयात सकाळी अकराला सुनावणी होणार असल्याची माहिती जिल्हाधिकारी गंगाथरन डी. (District Collector Gangadharan D) यांनी दिली. (Zilla Parishad and Panchayat Samiti ward formations Hearing on group objections Nashik News)

राज्य निवडणूक आयोगामार्फत जिल्हा परिषद व पंचायत समितीच्या सार्वत्रिक निवडणूक २०२२ मध्ये मुदत संपणाऱ्या जिल्ह्यातील जिल्हा परिषद गट व पंचायत समिती गणाची प्रारूप प्रभाग रचनेचा कार्यक्रम जाहीर करण्यात आला आहे. या संदर्भात नाशिक जिल्ह्यातील जिल्हा परिषदेसाठी गटाची व पंचायत समिती गणांची प्रारूप प्रभाग रचनेच्या कार्यक्रमाची अधिसूचना २ जून २०२२ रोजी प्रसिद्ध करण्यात आली आहे. त्यानुसार २ जून २०२२ ते ८ जून २०२२ या कालावधीत सदर प्रारूप प्रभाग रचनेवर हरकती व सूचना मागविण्यात आल्या होत्या.